VÍDEO.- O río Gallo desborda en Cuntis e o asfalto abre en Sanxenxo
Por Redacción
As incidencias sucedéronse ao longo das últimas horas en toda a comarca, na maioría de casos pola caída de árbores que dificultaban a circulación nalgunha das estradas da provincia.
As brigadas provinciais da Deputación recibiron, desde as 0:00 horas do sábado, medio cento de chamadas por incidencias varias.
En Cuntis a atención levouna en parte o río Gallo, que pasou de baixar cun caudal escaso ante as poucas choivas rexistradas este inverno para desbordar este sábado en varios puntos do paseo, aínda que sen risco para as rúas e casas do centro urbano.
Outra incidencia destacada produciuse no centro urbano de Sanxenxo, ao bombearse a calzada na parte central da rúa Luís Rocafort por efecto da auga. O asfalto terminou rebentando, polo que as brigadas provinciais desprazáronse ata alí para realizar un asfaltado provisional de urxencia, colocando un parche de asfalto en frío.
A Policía Local de Sanxenxo delimitou a zona pero permitiu que se seguise circulando ao entender que non existía perigo de afundimento.
Outras das actuacións máis relevantes da xornada de sábado foi a eliminación dunha bolsa de auga de grandes dimensións que impedía o acceso ao polígono industrial de Barro-Meis.
Pola súa banda en Marín, ademais de intervencións por árbores ou incidencias co sumistro eléctrico, seguiuse traballando no pavillón da Raña e viuse afectado o estadio de San Pedro, entre outros.
Ata as 15:00 horas, a petición do 112, as brigadas dependentes da Deputación acudiran a retirar árbores caídas nos siguentes viarios da comarca:
- Campolameiro EP-8305 Chacente-Morillas-San Isidro
- A Lama EP-0306 Ponte Verdugo-Cambeses-Barcia
- Cotobade EP-0412 Parada-Tenorio
- EP-0407 Borela-Ponte Caldelas
- Meaño EP-9305 Corón-Ribadumia-Leiro
Relacionadas:
-
Augas de Galicia acomete os traballos de limpeza do río Gallo en Cuntis
Por Redacción |
-
En Marea solicita a Fomento que arranxe a tubaxe na N-640 ao seu paso por Cuntis
Por Redacción |
-
Reaberto o acceso á praia de Paxariñas tras o seu peche polo temporal
Por Antía Fernández Buján |
-
Cuntis urxe a limpeza do río Gallo para evitar males maiores
Por Oskar Viéitez |
-
Ponte Caldelas rexistrou máis de 50 incidencias durante os temporais de vento e choiva
Por Redacción |
-
O temporal amaina dando paso a unha semana de nubes e claros con posibilidade de choivas débiles
Por Redacción |
-
O PSOE provincial esixe á Xunta "medidas e axudas" para paliar os danos do temporal
Por Redacción |
-
Restrinxido o paso de peóns pola ponte da Barca polos danos do temporal
Por Diego Espiño & Diego Torrado |
-
Preto de 23.000 persoas na provincia seguen sufrindo cortes de luz polo temporal
Por Redacción |
-
VÍDEO.- A segunda noite de temporal deixa multitude de pequenas incidencias na comarca
Por Diego Espiño & Diego Torrado | Creada e actualizada
-
Os danos do temporal chegan aos servizos públicos: xulgados, colexios, hospitais
Por Redacción |
-
Así foi o paso do Kurt polas nosas comarcas
Por Oskar Viéitez |
-
Suspenden ata o martes as clases o IES Chan do Monte tras desprenderse a cuberta
Por Alejandro Espiño |