Suspenden ata o martes as clases o IES Chan do Monte tras desprenderse a cuberta
Por Alejandro Espiño
Os cincocentos alumnos do IES Chan do Monte de Marín non terán clase, polo menos, ata o vindeiro martes. Así o decidiron as autoridades educativas despois de que o forte vento que acompaña ao temporal das últimas horas provocase o desprendemento de toda a cuberta dun dos seus edificios.
Os responsables do centro descubriron, ao chegar á primeira hora da mañá, que a cuberta do edificio máis moderno dos dous que ten o instituto voara totalmente e caera entre os dous inmobles.
No momento dos feitos non había ninguén no instituto, polo que non se produciron danos persoais.
Inicialmente, optouse por valar a zona e impedir o acceso a esta zona do recinto escolar e as clases comezaron con normalidade, ao non estar afectada ningunha aula nin as zonas interiores.
Segundo explicaron a PontevedraViva desde o instituto, a unidade técnica da Consellería de Educación recomendou suspender as clases porque, tras revisar o estado do tellado, advertiron que había elementos que se podían desprender, xerando un grave problema de seguridade para os alumnos e o persoal educativo.
Tras contactar con Educación, optouse por chamar aos autobuses escolares e desaloxar o centro.
As obras de reparación realizaranse ao longo da fin de semana, pero a maquinaria pesada aínda estará no centro o luns, por iso é polo que a dirección do instituto optase por ampliar a suspensión das clases ata o martes, garantido a seguridade da comunidade escolar.
Relacionadas:
-
Reparar a cuberta do instituto Chan do Monte custará máis de 90.000 euros
Por Oskar Viéitez |
-
VÍDEO.- O río Gallo desborda en Cuntis e o asfalto abre en Sanxenxo
Por Redacción |
-
Restrinxido o paso de peóns pola ponte da Barca polos danos do temporal
Por Diego Espiño & Diego Torrado |
-
VÍDEO.- A segunda noite de temporal deixa multitude de pequenas incidencias na comarca
Por Diego Espiño & Diego Torrado | Creada e actualizada
-
Os danos do temporal chegan aos servizos públicos: xulgados, colexios, hospitais
Por Redacción |
-
Así foi o paso do Kurt polas nosas comarcas
Por Oskar Viéitez |
-
Suspendidas as actividades deportivas ao aire libre e as extraescolares polo temporal
Por Redacción |
-
Pontevedra, segunda cidade galega máis afectada polo temporal
Por Alejandro Espiño & Natalia Puga | Creada e actualizada
-
Cortan o tráfico na AP-9 tras desprenderse a cuberta da ponte da Barca
Por Alejandro Espiño |
-
Cae parte da fachada dun edificio do centro histórico
Por Alejandro Espiño |