O círculo Podemos Pontevedra estuda a súa postura sobre a presenza de ENCE na Ría de Pontevedra
Por Oskar Viéitez
Tras máis de 50 anos do emprazamento da fábrica de ENCE-Elnosa na Ría de Pontevedra, o círculo de Podemos Pontevedra, inicia un ciclo de conferencias sobre ENCE, enfocado dende as múltiples perspectivas que esixe o tratamento dunha situación tan complexa.
O obxectivo que perseguen é "xerar un xuizo crítico e fundamentado con argumentos acreditados por todos os axentes implicados". Esta iniciativa xurde das inquedanzas cidadás por coñecer e debatir sobre unha realidade que "non se conseguiu plasmar ata o momento".
O empeño do círculo Podemos Pontevedra é a concurrencia múltiple da fábrica en cuestión, as entidades e os colectivos sociais, así como dos profesionais das distintas áreas, acreditados pola súa experiencia e formación.
Os voceiros de Podemos queren identificar os distintos posicionamentos entorno á sustentabilidade ambiental de ENCE-Elnosa, analizar a problemática transversal das fábricas na ría de Pontevedra, coñecer as múltiples realidades entorno á factoría pontevedresa e profundizar no papel da cidadanía no seu futuro inmediato.
O comité da empresa ENCE confirmou a súa presenza na conferencia inaugural, na que tamén participará Antón Masa, presidente da Asociación pola defensa da Ría (APDR) e Miguel Cuña, secretario local do sindicato CXT, entre outros convidados.
As xornadas estructúranse entorno a oito ponencias que se desenvolverán entre novembro de 2014 e o mes de marzo de 2015.
Relacionadas:
-
O director de ENCE protagoniza a derradeira conferencia de Podemos
Por Redacción |
-
Podemos quere ter máis información para aceptar ou rexeitar a presenza de ENCE en Pontevedra
Por Oskar Viéitez |
-
Podemos inicia o seu proceso constituínte no ámbito municipal de Pontevedra
Por Redacción |
-
Podemos Pontevedra busca o seu Pablo Iglesias
Por Redacción |
-
A planificación estratéxica do Grupo Ence deséñase en Pontevedra
Por Redacción |
-
Podemos Pontevedra invita á cidadanía a participar activamente no seu proceso constituínte
Por Redacción |
-
Podemos Pontevedra, abrumados ante a gran afluencia á súa primeira asemblea aberta tralas eleccións
Por Redacción |