O Pontevedra ficha ao atacante Iván Martín pero non dá por pechado o plantel
Por Diego Espiño
Nova peza para o Pontevedra Club de Fútbol a poucas horas de que arranque oficialmente a liga na Segunda División B coa súa visita ao municipal vigués de Barreiro (domigo, 12:00 horas).
O club granate anunciou na tarde deste xoves a contratación do atacante sevillano Iván Martín, aínda que a súa chegada non supón pechar o plantel.
A intención do Consello de Administración é poder contratar outro dianteiro de nivel que achegue maiores solucións ofensivas ao equipo, xa que Martín, con 22 anos, ocupará unha das fichas sub-23 libres.
Iván Martín asina co Pontevedra por unha tempada e chega á cidade de Lérez procedente do filial do Real Valladolid, no que a pasada tempada xogou 29 partidos de liga anotando 2 goles.
Antes do seu paso por Pucela, o ariete pertenceu ao Tudelano e tamén defendeu as cores de Alcoyano, Écija e Betis B.
O novo xogador granate incorporarase este venres aos adestramentos do equipo ás ordes de Luisito na sesión prevista no campo da Seca en Poio. Con só dous adestramentos por diante antes do choque de liga ante o Celta B, antóllase complicado que o seu debut coa camiseta granate produza na primeira xornada da competición.
Relacionadas:
-
A Gimnástica Segoviana apea da Copa pola vía rápida a un Pontevedra de chiste (2-0)
Por Redacción |
-
Repite erros e decepciona o Pontevedra superado por un excelente Rápido de Bouzas (1-2)
Por Ramiro Espiño & Diego Torrado |
-
Iván Martín: "mi objetivo es llevar a lo más alto a este club"
Por Diego Espiño |
-
Mala posta en escena do Pontevedra que paga coa derrota os seus erros ante o Celta B (2-1)
Por Ramiro Espiño & Diego Torrado | Creada e actualizada
-
A polos tres primeiros puntos da tempada en Barreiro
Por Diego Espiño |
-
O primeiro partido de liga en Pasarón, a golpe de sábado
Por Redacción |
-
O Pontevedra pecha a pretemporada cunha discreta vitoria en Marcón (0-2)
Por Ramiro Espiño & Diego Torrado |
-
O Pontevedra supera con autoridade á UD Ourense (0-3)
Por Redacción |
-
A efectividade do Pontevedra imponse a un bo Céltiga (1-3)
Por Ramiro Espiño |