Pasarón tamén xoga ante a Arandina
Por Redacción
A un partido está o Pontevedra Club de Fútbol de asegurar matematicamente a súa presenza no play-off de ascenso a Segunda División, cando restan só dúas xornadas para o final da liga regular.
Os granates non queren deixar pasar a oportunidade de pechar canto antes a súa presenza na fase de ascenso, o que conseguiría cun triunfo o vindeiro sábado (20:00 horas) no Estadio Municipal de Pasarón ante o Arandina, un equipo que non se xogará nada tras certificar o seu descenso a pasada fin de semana.
O club pontevedrés quere que o público Pasarón axude ao seu equipo para asegurar esa cuarta praza, e por iso deu a coñecer unha serie de accións promocionais coas que tentarán que se rexistre unha boa entrada no estadio pese ao cambio de horario con respecto ao habitual de boa parte da tempada.
A principal medida será que os socios poderán retirar de balde dúas invitacións da súa mesma bancada para acompañantes, tendo que adquirilas anticipadamente nas oficinas do club ata as 19:00 horas do venres.
Ademais os prezos das entradas para o público xeral foron rebaixados notablemente. Desta forma os afeccionados poderán acceder por 15 euros á bancada de Tribuna, 10 euros á de Preferencia e por 5 euros a calquera dos dous fondos. A entrada xuvenil e infantil manterase nos 5 e 3 euros respectivamente.
Por último o Pontevedra volverá entregar invitacións en varios centros escolares da comarca.
Relacionadas:
-
Billete para o play off. O Pontevedra permítese soñar ao impoñerse a unha "motivada" Arandina (2-1)
Por Ramiro Espiño & Diego Torrado |
-
A por tres puntos que valen un play-off
Por Diego Espiño |
-
O Pontevedra, "contento" tras renovar o acordo de patrocinio coa Deputación
Por Diego Espiño |
-
Iker Alegre apúntase á fase decisiva da liga
Por Diego Espiño |
-
Perdoa o Boiro e o Pontevedra arrinca un punto de ouro (1-1) que lle achega ao obxectivo
Por Ramiro Espiño & Cristina Saiz |
-
Mario Barco, baixa confirmada ata final de liga
Por Diego Espiño |