Iker Alegre apúntase á fase decisiva da liga
Por Diego Espiño
O calvario para Iker Alegre chegou ao seu fin despois de máis de sete meses fóra do equipo por unha grave lesión de xeonllo, e agora o futbolista granate afronta con máis ganas que ninguén a parte final da tempada.
Alegre, que reapareceu o pasado domingo en Boiro ao substituír a Bruno tras o descanso, preséntase como unha das principais alternativas ofensivas para Luisito na fase decisiva da competición, especialmente tras a lesión do goleador Mario Barco.
O xogador asturiano aterrou en Pontevedra chamado a ser unha das referencias do equipo, pero as lesións foron o seu calvario desde a pretempada, cando ante o Lugo sufriu os seus primeiros problemas. Recuperouse para participar na segunda xornada de liga no choque ante o Mutilvera, no que marcou, pero no terceiro partido de liga, nun mal apoio, rompeu o ligamento cruzado do seu xeonllo en Santander. Desde entón traballou cun só obxectivo, reaparecer esta mesma tempada e poder axudar ao equipo para cumprir o soño de estar presente na fase de ascenso.
Con Iker Alegre recuperado plenamente e con Portela adestrado ao fin co grupo, a enfermería granate baleirouse ata o punto de que o seu único ocupante é Mario Barco, baixa segura para o decisivo choque ante a Arandina.
Luisito recuperará ademais para o partido do sábado (20:00 horas) a Álex González tras cumprir un partido de sanción, polo que salvo contratempo contará con 20 futbolistas dispoñibles e deberá realizar dous descartes para completar a convocatoria.
Neste aspecto, o de sancións, a Arandina chegará a Pontevedra con dúas ausencias, as de Edgar e Edu Payá por cumprir ciclo de amoestacións.
Relacionadas:
-
Billete para o play off. O Pontevedra permítese soñar ao impoñerse a unha "motivada" Arandina (2-1)
Por Ramiro Espiño & Diego Torrado |
-
A por tres puntos que valen un play-off
Por Diego Espiño |
-
O Pontevedra, "contento" tras renovar o acordo de patrocinio coa Deputación
Por Diego Espiño |
-
Pasarón tamén xoga ante a Arandina
Por Redacción |
-
Perdoa o Boiro e o Pontevedra arrinca un punto de ouro (1-1) que lle achega ao obxectivo
Por Ramiro Espiño & Cristina Saiz |
-
Mario Barco, baixa confirmada ata final de liga
Por Diego Espiño |