O Peixe Galego despide o ano cunha derrota en San Sebastián (83-64)
Por Redacción
Acudía o Peixe Galego á pista do poderoso GBC de San Sebastián coa intención de pelexar por un triunfo co que despedir o ano e cargarse de moral para a segunda volta de competición na LEB Ouro, pero todo púxose na súa contra.
Se os de Marín acudían á cita xa sen Alec Kobre na súa liña exterior, víronse dobremente penalizados pola prematura lesión de Andrés Miso, que minguou o seu potencial ofensivo.
Todo iso unido ao acerto desde o perímetro do cadro vasco, con 12 triplas (41% de acerto) que terminaron desnivelando o choque.
O Peixe arrincou con ganas e a pesar de que o GBC dominou os primeiros minutos, logrou poñerse por diante mediado o primeiro cuarto. Con todo os locais subiron o ritmo para terminar o primeiro parcial en vantaxe (25-14).
Os de Javi Llorente seguiron pelexando e da man de Derksen en ataque (21 puntos) aguantaron o tipo ata o descanso (42-33), pero na continuación o Guipuzkoa Basket sentenciou cun gran terceiro cuarto (67-49) para controlar a súa renda ata o final sen excesivos apuros.
Con esta derrota o Peixe Galego segue na penúltima pisición da LEB Ouro, pero debe superar pronto a decepción xa que o vindeiro mércores 4 afrontará unha nova xornada de liga na cancha do décimo clasificado, o Melilla.
Relacionadas:
-
Partidazo do Peixe Galego para vencer ao Leyma Coruña e volver engancharse á LEB Ouro (73-67)
Por Redacción |
-
As baixas castigan ao Peixe Galego en Melilla (91-63)
Por Redacción |
-
O Peixe Galego viaxa a Melilla en cadro
Por Redacción |
-
O Peixe Galego, obrigado a acudir ao mercado tras a saída do estadounidense Alec Kobre
Por Redacción |
-
A liga non descansa para un Peixe Galego na busca de reacción
Por Redacción |
-
Dolorosa derrota do Peixe Galego no último cuarto ante o Tau Castelló (77-83)
Por Redacción |