As baixas castigan ao Peixe Galego en Melilla (91-63)
Por Redacción
Non puido repetir a xesta da primeira xornada de liga o Peixe Galego na súa visita á cancha dun Melilla que vai a máis na competición (91-63).
Os de Marín acusaron en exceso as baixas coas que chegaban ao encontro e as lesións que non deixaron preparar en condicións o choque.
Sen Andrés Miso, que non viaxou, a resposabilidad ofensiva recaeu en Derksen (17 puntos), Cain (13) e Simeón (13), pero non foi sufienciente para superar a un elevado Melilla.
Os de Javi Llorente plantaron cara mentres lles durou a gasolina. Saíron ben ao partido e a pesar dun parcial melillense de 9-0 (15-7) repuxéronse para manterse a tiro no marcador (20-16).
Con todo, cando o cadro local empezou a rotar e tirar de banco o Peixe Galego empezou a acusar a súa falta de frescura. Así ao descanso chegábase xa cun 44-32, aínda que foi no terceiro parcial cando o partido rompeu definitivamente co acerto do Melilla desde o lanzamento exterior.
Non puido xa reaccionar un Peixe falto de forzas que sumou así a súa oitava derrota consecutiva na Liga LEB Ouro, que lles mantén na penúltima praza. A pesar diso seguen a un triunfo da zona de permanencia, e contarán cunha oportunidade para redimirse xa o vindeiro domingo 8 de xaneiro, na Raña, ante o Leyma Coruña.
Relacionadas:
-
Moito máis que un partido para o Peixe Galego
Por Redacción |
-
Movementos no Peixe Galego, que dá a baixa a Cabanas e reforza a súa liña exterior
Por Redacción |
-
Partidazo do Peixe Galego para vencer ao Leyma Coruña e volver engancharse á LEB Ouro (73-67)
Por Redacción |
-
O Peixe Galego viaxa a Melilla en cadro
Por Redacción |
-
Marín saca peito dun ano histórico para o seu deporte
Por Redacción |
-
O Peixe Galego despide o ano cunha derrota en San Sebastián (83-64)
Por Redacción |