Dolorosa derrota do Peixe Galego no último cuarto ante o Tau Castelló (77-83)
Por Redacción
Sexta derrota consecutiva na Liga LEB Ouro para un Peixe Galego que mellorou as súas prestacións ante o Tau Castelló pero que acabou cedendo nos últimos minutos (77-83).
O choque disputouse de poder a poder, empezando por un primeiro cuarto no que primaron as defensas (12-13).
No segundo parcial os de Javi Llorente tiveron que remar contra corrente contra un cadro visitante que empezaba a tomar lixeira vantaxe (31-37).
Foi tras o descanso cando o Peixe desatou o seu mellor xogo para voltear o electrónico nun gran terceiro cuarto, con Miso (20 puntos) e Múgica (17) levando o peso ofensivo do equipo.
Así os de Marín chegaron ao últimos dez minutos por diante (61-60) e con todo por decidir, pero nos minutos decisivos o Tau Castelló mostrouse máis acertado sentenciando o partico ante un Peixe ao que lle custaba de novo encestar.
A derrota mantén ao Peixe Galego na penúltima praza da liga con tres vitorias e 13 derrotas cando só resta unha xornada para a conclusión da primeira volta, a que se xogará o 30 de decembro cos de Javi Llorente visitando a cancha do cuarto clasificado, o GBC.
Relacionadas:
-
O Peixe Galego despide o ano cunha derrota en San Sebastián (83-64)
Por Redacción |
-
O Peixe Galego, obrigado a acudir ao mercado tras a saída do estadounidense Alec Kobre
Por Redacción |
-
A liga non descansa para un Peixe Galego na busca de reacción
Por Redacción |
-
Peixe Galego segue costa abaixo e cae na súa visita o CB Prat (96-81)
Por Redacción |
-
Unión Financeira Oviedo supera a Marín Peixe Galego (65-76) e agrava a súa crise
Por Redacción & Cristina Saiz |