Saúl Campo, sobre a pretempada teucrista: "Buscamos sensaciones y creo que las estamos encontrando"
Por Diego Espiño
A pouco máis dunha semana para que de comezo a tempada na División de Honra Prata, o Teucro afina a súa preparación e tenta axustar aos seus novos xogadores nun plantel renovado que pretende aspirar a pelexar polos postos de honra.
Entre eles atópanse Saúl Campo e Ángel Iglesias, dúas das fichaxes do verán e que iniciaron este xoves a rolda de presentacións oficiais.
Campo, lateral cántabro de 22 anos, móstrase optimista coa progresión do equipo durante a pretempada e asegura que a pesar de non estar a buscar "resultados en pretemporada, buscamos sensaciones y creo que las estamos encontrando".
Unha boa proba de nivel pode ser esta fin de semana a fase final da Copa Galicia, cun partido ante o Cisne en semifinais, aínda que Ángel Iglesias avisa, "pase lo que pase el resultado que se dé no va a ser real con respecto a la liga".
O xoven extremo coruñés, pretendido xa noutras ocasións polo Teucro, recoñece que "me gusta el estilo de juego" que propón Quique Domínguez e que lle fai sentirse "muy cómodo" na cancha.
Boas sensacións que deberán ser referendadas a partir do 10 de setembro, data do debut ligueiro en Zamora.
Relacionadas:
-
Conxura teucrista ante o inminente inicio de liga
Por Diego Espiño |
-
O Teucro proclámase contra prognóstico campión da Copa Galicia derrotando o Cangas (30-32) na final
Por Redacción |
-
Teucro e Cangas disputarán a final da Copa Galicia ao vencer o Cisne (27-26) e Xiria (24-21)
Por Redacción |
-
O Teucro supera con claridade ao Novás e cítase co Cisne en semifinais da Copa Galicia
Por Redacción |
-
Derrota do Teucro en Meaño fronte ao FC Porto (25-27) e vitoria do Cisne en Tui sobre BM San Tirso (26-24)
Por Redacción |
-
Triunfo do Teucro ante o Avanca portugués nun partido de luces e sombras
Por Redacción |