La Vuelta quenta motores a un mes do seu paso pola provincia
Por Diego Espiño & Mónica Patxot
A exactamente un mes de que La Vuelta atravese gran parte da provincia de Pontevedra, a rolda ciclista promocionou as dúas estapas pontevedresas cunha xincana instalada na Alameda.
Clubs de base da provincia acudiron á cita, do mesmo xeito que o director xeral de Unipublic, Javier Guillén, o vicepresidente da Xunta, Alfonso Rueda, e os alcaldes de Pontevedra (Miguel Anxo Fernández Lores), Marín (María Ramallo) e Baiona (Ángel Rodal).
Baiona será meta da segunda etapa da Volta, o día 21 de agosto, mentres Marín será saída do terceiro día de competición nunha etapa de 170 quilómetros de percorrido ata o miradoiro de Ézaro, en Dumbría, xornada na que o pelotón atravesará localidades da comarca como Pontevedra, Poio, Sanxenxo, Cambados ou Vilanova de Arousa.
"Como queremos que La Vuelta sea de todos, hemos querido acercarnos a los que más pasión, ilusión y alegría ponen en el ciclismo que son los niños", sinalou Guillén.
PONTEVEDRA APOSTARÁ POR SER SAÍDA OU CHEGADA "A PRÓXIMA VEZ"
Nesta ocasión pola cidade de Pontevedra pasará a caravana multicolor, pero non parará como noutras ocasións "porque coincide coas festas grandes da Peregrina", sinalou o alcalde.
Cede así protagonismo a Marín, onde si partirá unha das xornadas de competición, pero espera recuperalo "a próxima vez que veña" e contar "cunha saída ou chegada porque nos parece importantísima a promoción exterior que fai de Pontevedra un evento tan importante", explicou Miguel Anxo Fernández Lores.
Relacionadas:
-
La Vuelta Ciclista a España revoluciona Marín
Por Diego Espiño & Cristina Saiz |
-
Restricións de tráfico en Marín desde o domingo polo paso de La Vuelta
Por Redacción |
-
Unha marcha ciclista popular, teloneira do paso de La Vuelta por Marín
Por Redacción |
-
Primeiros pasos organizativos para a saída da terceira etapa de La Vuelta
Por Redacción |
-
Marín-Ézaro, así será a terceira etapa de La Vuelta 2016
Por Redacción |