Marín-Ézaro, así será a terceira etapa de La Vuelta 2016
Por Redacción
A Vuelta Ciclista a España 2016 desvelou este sábado o seu percorrido nun acto celebrado en Santiago de Compostela dada a súa importante influencia galega na próxima edición da carreira.
A rolda por etapas comezará o día 20 de agosto desde o Balneario de Laias (Ourense) para dous días despois visitar a comarca de Pontevedra.
Tras a etapa Ourense-Baiona, o terceiro día de competición partirá desde Marín, o 22 de agosto.
O pelotón para afrontar 170 quilómetros de percorrido ata o Miradoiro do Ézaro, en Dumbría, pasando por varias localidades da provincia na primeira metade da xornada.
Así, tras abandonar Marín, a caravana ciclista pasará por Pontevedra, Poio, Sanxenxo, Cambados ou Vilanova de Arousa antes de cruzar a ría e dirixirse á provincia da Coruña.
A etapa terá dous portos de montaña nos Montes de Carnota e o alto de Paxareiras, a pouco de meta, antes da explosiva chegada en Ézaro.
La Vuelta continuará varios días máis por Galicia, pero xa non volverá por Pontevedra, centrando a súa actividade en localidades como Betanzos, San Andrés de Teixido, Viveiro, Lugo, Monforte de Lemos ou Luintra.
Relacionadas:
-
Restricións de tráfico en Marín desde o domingo polo paso de La Vuelta
Por Redacción |
-
Unha marcha ciclista popular, teloneira do paso de La Vuelta por Marín
Por Redacción |
-
La Vuelta quenta motores a un mes do seu paso pola provincia
Por Diego Espiño & Mónica Patxot |
-
Primeiros pasos organizativos para a saída da terceira etapa de La Vuelta
Por Redacción |
-
La Vuelta volverá pasar pola provincia en 2016
Por Redacción |