Unha marcha ciclista popular, teloneira do paso de La Vuelta por Marín
Por Redacción
Marín empeza a preparar o paso de La Vuelta Ciclista a España pola vila, punto de saída da terceira etapa da carreira o vindeiro luns 22 de agosto.
Como iniciativa para "que haya ambiente de ciclismo" na localidade, un día antes, o domingo 21, organizarase unha marcha ciclista popular polo mesmo percorrido que afrontará o pelotón profesional de maneira neutralizada, segundo sinalou o concelleiro Antonio Traba.
Con saída ás 20:00 horas desde a Praza de España, completaranse 5 quilómetros pasando pola Rúa Forte, Naval Janer, Rúa Ponte, Jaime Janer, Avenida de Ourense ata Os Praceres e volta ata o punto de saída.
Será unha ruta para todos os públicos apta para "que la gente se una y que se anime", sinalou Traba. Por iso repartiranse 300 camisetas e sortearanse agasallos promocionais da rolda ciclista.
Ademais habilitarase ata o día 18 no Concello de Marín unha mesa para inscribirse como voluntario e colaborar así na organziación da etapa.
Relacionadas:
-
La Vuelta Ciclista a España revoluciona Marín
Por Diego Espiño & Cristina Saiz |
-
A Policía Local agarda que o paso de La Vuelta o luns por Pontevedra incida levemente no tráfico
Por Redacción |
-
Restricións de tráfico en Marín desde o domingo polo paso de La Vuelta
Por Redacción |
-
La Vuelta quenta motores a un mes do seu paso pola provincia
Por Diego Espiño & Mónica Patxot |
-
Primeiros pasos organizativos para a saída da terceira etapa de La Vuelta
Por Redacción |
-
Marín-Ézaro, así será a terceira etapa de La Vuelta 2016
Por Redacción |