Os Rías Baixas Fests reuniron este verán a 260.000 persoas en Pontevedra
Por Redacción
Os oito Rías Baixas Fests reuniron este verán a máis de 260.000 persoas na provincia de Pontevedra, cifra que supón un aumento notable con respecto ás edicións anteriores e que leva á Deputación Provincial a sacar peito e valorar que "xa son unha marca propia, un produto que se traduce nunha maior afluencia de visitantes e nunha enorme repercusión para a economía da provincia".
A presidenta da Deputación de Pontevedra, Carmela Silva, fixo balance este xoves nun acto de peche ao que asistiron alcaldes e alcaldesas dos municipios onde se celebraron os eventos, así como as persoas promotoras, organizadoras e patrocinadoras de cada un dos oito máis un festivais que conforman a marca #RíasBaixasFests.
O evento celebrado en Meaño acolleu a estrea do vídeo making dos #RíasBaixasFests2017, que recolle todos os eventos: Cultura Quente e PortAmérica (Caldas de Reis), Atlantic Fest (A Illa de Arousa), Vive Nigrán (Nigrán), SinSal Son Estrella Galicia (a illa de San Simón en Redondela), SonRías Baixas (Bueu), O Marisquiño (Vigo) e Revenidas (Vilagarcía de Arousa), ademais do evento final en Cambados.
Carmela Silva tamén indicou que as ocupacións hoteleiras durante os días nos que se celebraron os eventos foron dun 100% practicamente en todas as ocasións, dato que demostra que os Rías Baixas Fests están a converter á provincia de Pontevedra nun referente da industria musical e cultural da península e nun lugar de enorme atractivo turístico.
Segundo indicou a presidenta provincial, o Plan Estratéxico de Turismo que están a piques de rematar pon de manifesto que os festivais musicais xa son unha das grandes liñas de actuación para Turismo Rías Baixas.
Os alcaldes e representantes dos gobernos locais amosaron a súa satisfacción polo éxito desta iniciativa impulsada pola Deputación de Pontevedra, que permite achegar a riqueza turística das súas vilas a un gran número de persoas xerando un importante impacto na economía local.
Relacionadas:
-
Vetusta Morla, gran atractivo dun Portamérica que ofrecerá unha trintena de concertos
Por Alejandro Espiño |
-
Zoo, Steve 'n' Seagulls e os galegos Xangai, primeiros nomes para o Revenidas 2018
Por Alejandro Espiño |
-
O rock de The Vaccines soará no Atlantic Fest 2018
Por Alejandro Espiño |
-
La Raíz e Terbutalina, primeiras confirmacións do SonRías Baixas 2018
Por Redacción |
-
As Revenidas volverán a Vilaxoán do 17 ao 19 de agosto
Por Alejandro Espiño |
-
Durante o 2017 a ocupación hoteleira media provincial superou o 48%
Por Oskar Viéitez |
-
A Deputación presenta o Plan Estratéxico de Turismo para o próximos tres anos
Por Oskar Viéitez |
-
Catorce bandas nacionais e internacionais, primeiro atractivo do Portamérica 2018
Por Alejandro Espiño |
-
Atlantic Fest cambia de datas: celebrarase os días 20, 21 e 22 de xullo
Por Alejandro Espiño |
-
As Rías Baixas esperan unha ocupación turística do 64% esta ponte
Por Redacción |
-
O festival Son Rías Baixas regresa a Bueu os días 2, 3 e 4 de agosto
Por Redacción |
-
RADIO.- Víctor Flores tamén ten un Puntazo
Por Marisa Ciordia |
-
Xa está aquí Revenidas 2017, o máis solidario dos Festivais Rías Baixas
Por Redacción |
-
Longa vida ao PortAmérica!
Por Alejandro Espiño & Diego Torrado |
-
Los Planetas brillan na Illa e, xunto a Lori Meyers, marabillan ao público no Atlantic Fest
Por Alejandro Espiño |
-
VIDEO.- Compromiso dos Festivais Rías Baixas coa igualdade e a sustentabilidade
Por Oskar Viéitez & Mónica Patxot |