As Revenidas volverán a Vilaxoán do 17 ao 19 de agosto
Por Alejandro Espiño
Quince anos celebrará este 2018 o festival Revenidas de Vilaxoán. E xa teñen datas para facelo: será entre os días 17 e 19 de agosto, segundo confirmaron os seus organizadores.
Nas próximas semanas, o Revenidas fará públicos os nomes das primeiras bandas que conformarán o seu cartel para esta edición tan especial.
O modelo de combinar actividades de balde para público familiar con concertos de pago seguirá sendo a base desta festa galega, que continuará na súa liña de explorar novos espazos con actividades vencelladas á vila e ao entorno no que se celebra.
Na pasada edición, as 50 horas de música e actividades programadas pola organización nesta vila de 2.000 habitantes viuse reflictida nun impacto económico duns 1.400.000 euros, ademais dos 700 postos de traballo que xerou o festival (200 directos e 500 indirectos), que amosan o esforzo que hai detrás dos escenarios, espazos e actividades do festival.
Relacionadas:
-
Revenidas suma a Russkaja, Auxili, Ayax y Prok, High Paw, Joan Garriga e Keltoi ao seu cartel
Por Redacción |
-
Zoo, Steve 'n' Seagulls e os galegos Xangai, primeiros nomes para o Revenidas 2018
Por Alejandro Espiño |
-
Os Rías Baixas Fests reuniron este verán a 260.000 persoas en Pontevedra
Por Redacción |