Reveladas as cinco gañadoras do concurso de tarxetas de Nadal de Poio
Por Redacción
Confirmados os cinco gañadores do concurso de tarxetas de Nadal organizado polo Concello de Poio.
Os cinco debuxos seleccionados, un por cada parroquia, son de Daniela González, de 9 anos e veciña de Raxó; Paula Paz, 11 anos de Combarro; Carmen Fernández, 7 anos de San Xoán; David de la Fuente, 10 anos e de San Salvador; e Adara Castro, 12 anos e veciña de Samieira.
Destas cinco, a tarxeta que vai utilizar o Concello para editar a súa felicitación institucional de Nadal será a de Daniela González, que debuxou unha esfera de colores colgada nunhas ramas rodeada de corazóns e estrelas. Dentro pode lerse "Bo Nadal".
Esta decisión foi tomada polo Consello Municipal de Cultura, presidido pola concelleira Natalia Sabarís, e do que forman parte membros da corporación e representantes das asociacións SCD de Raxó, SCD de Samieira, AC Vides Novas, AVV Boureante e do Ateneo Corredoira, que se reuniron para analizar os case 300 deseños presentados polos escolares menores de 18 anos que residen en Poio.
As autoras das cinco postais gañadoras recibirán un premio en metálico de 60 euros e un agasallo conmemorativo durante un acto dentro da programación do Nadal.
Natalia Sabarís agradeceu a implicación dos escolares, e destacou a calidade, orixinalidade e creatividade dos traballos que presentaron. Ademais, recoñeceu o apoio dos colectivos que colaboran e dos membros do Consello Municipal de Cultura.
Relacionadas:
-
Máis de 300 persoas acompañarán a comitiva dos Reis Magos na cabalgata de Poio
Por Redacción |
-
O BNG fala de "apagón de Nadal" no rural en Poio e pide transparencia ao goberno local
Por Redacción | Creada e actualizada
-
Poio métese de cheo nunhas festas do Nadal "de todos e para todos"
Por Redacción |
-
Esta é toda a programación de Nadal do Concello de Poio
Por Oskar Viéitez |
-
Convocado o Concurso de Postais de Nadal para escolares de Vilaboa
Por Redacción |
-
Escolares de Poio pintan e decoran as Aldeas de Nadal
Por Redacción |
-
Poio contará cun roupeiro municipal para axudar ás familias con dificultades
Por Redacción |
-
En marcha a campaña "Ningunha crianza sen xoguete" do Concello de Poio
Por Redacción |
-
Poio aposta por unha programación de Nadal "pensado para devolver a ilusión por estas festas"
Por Redacción |