A marteladas co escudo franquista da Michelena
Por Oskar Viéitez
O escudo preconstitucional que permanece na fachada do edificio do número 23 da rúa Michelena foi danado a marteladas durante a noite.
Sucedeu ao redor das 12 da noite deste luns día 20 de novembro, no aniversario dos falecementos de José Antonio Primo de Rivera e Francisco Franco.
Aproveitando as estadas instaladas no edificio un individuo empolicouse nesta estrutura metálica para golpear o relevo de pedra en reiteradas ocasións ata rompelo.
Neste edificio situouse a antiga sede da Delegación do Ministerio de Información e Turismo, por iso tiña o antigo escudo español.
Paseando por Pontevedra aínda poden observarse diversos escudos co aguia imperial, coñecida popularmente por moitos como o aguilucho. O de maior tamaño atópase na fachada da Audiencia Provincial, un edificio público no que se imparte xustiza, pero cun escudo franquista de grandes dimensións á súa entrada.