Soutomaior integrará a súa Protección Civil na agrupación Oitavén-Tea
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Soutomaior unirase a outros cinco municipios para integrar a agrupación Oitavén-Tea de Protección Civil.
Este colectivo, que une aos concellos de Covelo, Mondariz, Mondariz Balneario, A Lama y Fornelos de Montes, fortalecerá este servizo cun incremento de recursos e persoal, ademais de supoñer unha mellora nas intervencións de colaboración coa veciñanza.
A Dirección Xeral de Emerxencias recomenda ao goberno local disolver a actual corporación de Protección Civil, acto que se acometerá no próximo pleno municipal, segundo avanza o goberno local. Con esta decisión poderase integrar posteriormente na agrupación Oitavén-Tea.
Os concellos integrantes aprobarán os novos estatutos da agrupación, que ten o obxectivo de favorecer a súa eficacia nas accións que desenvolvan e será coordinada directamente por esta asociación municipal.
Renovarase o equipamento do servizo no Concello de Soutomaior e mellorarase o rendemento de Protección Civil cun menor custo. A nova agrupación contará con profesionais con ampla formación no sector de emerxencias contratado a tempo completo.
Manu Lourenzo, alcalde de Soutomaior, recoñece que Protección Civil realiza un "importante papel" no municipio e por iso leva a cabo esta aposta por mellorar a prestación dos seus servizos.
Desde o Concello sinalan que Protección Civil continuará sendo municipal, pero este cambio permitirá traballar con autonomía e, ao mesmo tempo, establecer unha estreita colaboración coa Dirección Xeral de Emerxencias da Xunta.
Relacionadas:
-
Soutomaior recupera unha moto de Protección Civil desaparecida en 2020
Por Redacción |
-
O Pleno da Lama aproba o convenio de Protección Civil e Emerxencias que suma a Soutomaior e Pazos de Borbén
Por Redacción |
-
"Non cobramos. Non porque o que facemos non teña valor senón porque non ten prezo"
Por Redacción |
-
Evacúan de madrugada un operario ao que caeu unha árbore enriba en Soutomaior
Por Diego Espiño |
-
Unha persoa sofre queimaduras no incendio de dúas casas en Soutomaior
Por Redacción |