Novo récord de pernoitas hoteleiras en Sanxenxo durante setembro
Por Redacción
O Instituto Nacional de Estatística (INE) deu a coñecer os datos de pernoitas do pasado mes de setembro.
Segundo as cifras do INE, Sanxenxo rexistra un novo récord en setembro con 123.119 pernoitas hostaleiras, unha cifra lixeiramente superior á lograda no mesmo período de 2019 (122.971 aloxamentos).
O dato de setembro mantén Sanxenxo como un dos destinos líderes en pernoitas de Galicia e o norte de España, só superado por Santiago (177.926) e San Sebastián (187.262). Destaca en cifras con respecto a outros puntos turísticos galegos, como A Coruña (92.022), O Grove (40.604) ou Vigo (98.933), e do norte de España, situándose por diante de Bilbao (106.162).
Desde o Concello de Sanxenxo inciden en que estas pernoitas hostaleiras son só unha parte do total das prazas de aloxamentos turísticos (9.415), xa que o municipio conta con 54.833 en segundas residencias, 13.365 en vivendas de uso turístico, 4.773 en cámpings e 2.767 en apartamentos turísticos.
En canto ao número de establecementos abertos, o INE contabiliza 128 con 7.712 prazas, un grao de ocupación medio de 52,24% e un total de 1.173 persoas empregadas.
Relacionadas:
-
Sanxenxo, segunda localidade do norte de España con máis turismo en agosto
Por Redacción |
-
A ocupación hoteleira superou o 86,5 % no conxunto da provincia no mes de agosto
Por Oskar Viéitez |
-
Os empresarios turísticos de Sanxenxo pechan un "bo agosto" cunha ocupación media das súas prazas do 91%
Por Redacción |