![](/web/cache/scene/uploads/fotos/foto/adf/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/65300190ce-862e5e38-a670-4589-8ce1-63b9d6f40993.jpg)
© Concello de Cerdedo-Cotobade
En marcha os traballos para eliminar os problemas de augas pluviais na parroquia de Valongo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O alcalde de Cerdedo-Cotobade, Jorge Cubela, e a concelleira Galiza Aguete supervisaron a marcha das obras de canalización de augas pluviais desde o lugar do Outeiro do Forno ao de Outeiro, na parroquia de Valongo.
Trátase dunha actuación na que se investiron 18.000 euros a cargo do Fondo de Compensación da Xunta de Galicia.
A obra permitirá canalizar as augas pluviais nun tramo de 120 metros, ademais de supoñer a construción de cunetas de formigón para mellorar a seguirdad da zona e favorecer a drenaxe. Todo iso co obxectivo de dar resposta a unha demanda dos veciños da zona.
O obxectivo coa intervención é evitar "os problemas causados polas choivas e as augas pluviais que se viñan acumulando neste lugar causando graves prexuizos para os veciños e as súas propiedades", afirmou Cubela.