Os coidados "Porta a porta" da Xunta chegan aos morañeses maiores de 55 anos
Por Redacción
Moraña vai acoller a vindeira semana o servizo autonómico "Coidados Porta a Porta" da Xunta de Galicia, que ofertará aos veciños 192 consultas gratuítas de podoloxía, audioloxía e estimulación da memoria ao longo de catro xornadas.
A unidade móbil instalarase no aparcadoiro do centro de saúde de Santa Lucía e estará operativa os días 23, 24, 25 e 26 de outubro -entre luns e xoves da vindeira semana– para atender aos maiores de 55 anos con equipos médicos e especializados en cada un dos servizos.
Para beneficiarse destas consultas é imprescindible reservar a cita previamente a través dos números de teléfono 622 748 283 e 623 546 992 ou por medio da páxina web coidadosportaaporta.politicasocial@xunta.gal.
Os equipos atenderán diariamente a unha media de vinte personas en podoloxía e outras tantas en audioloxía e a unhas oito no servizo de estimulación de memoria, que precisa de sesións máis longas.
O goberno local lembrou que esta unidade itinerante xa visitou o municipio anteriormente en dúas ocasións e celebrou que a Xunta volva a prestar esta atención sociosanitaria gratuíta aos veciños, xa que nas súas anteriores presenzas tivo unha gran acollida e esgotáronse as prazas. Por elo, quixo animar aos morañeses a que se fagan canto antes coas consultas a través das distintas modalidades de cita previa.
Relacionadas:
-
A Casa do Maior 'Amizade' actívase en Moraña para atender a persoas de máis de 60 anos
Por Redacción |
-
Moraña inviste nunha nova marquesiña e cobrecontedores
Por Redacción |
-
Morre atropelada unha muller de 95 anos no casco urbano de Cuntis
Por Redacción |
-
O pavillón de Santa Lucía terá nova cuberta antes do inverno
Por Redacción |
-
En marcha a limpeza integral das estradas provinciais de Santa Xusta e Laxe
Por Oskar Viéitez |