Integrantes de Down Pontevedra fan prácticas laborais remuneradas no centro de maiores de Campolongo
Por Redacción
Dúas persoas usuarias da asociación Down Pontevedra desenvolven as súas prácticas laborais remuneradas na residencia de maiores de Campolongo. Ata o centro achegábase este martes o delegado territorial da Xunta en Pontevedra, Agustín Reguera para coñecer con detalle esta iniciativa.
Unha das persoas de Down Pontevedra exerce funcións de camareiro-limpador mentres que outra se ocupa de recepción. Unha vez que ambas finalicen o seu período de prácticas está previsto que se incorporen dous novos traballadores para realizar esta fase de inserción laboral.
A Xunta de Galicia inviste 20.000 euros por cada entidade que forma parte de Down Galicia para facilitar a integración laboral das persoas integrantes da asociación. En total destínase a estas entidades para estas prácticas un total de 140.000 euros.
Establécese unha fase de prácticas de cen horas e un mes de vacacións. Estes traballadores non poderán realizar xornadas laborais que superen as tres horas diarias. Un técnico de apoio, preparador laboral, instrúe a persoa en prácticas para aprenderlle as tarefas encomendadas.
Relacionadas:
-
Luis López garante a colaboración da Deputación con Down Pontevedra Xuntos
Por Anxo Lourido |
-
CCOO esixe que a residencia de maiores da Fundación Amancio Ortega sexa de xestión pública directa
Por Oskar Viéitez |
-
'#NoSomosUnEstereotipo, somos mucho más',' a campaña para combater os prexuízos das persoas con síndrome de Down
Por Alba Feijoo Alonso |
-
Benestar Social e Down Pontevedra Xuntos cooperan para dotar de maior autonomía á mocidade con discapacidade
Por Redacción |