Medra o rueiro de Poio coa incorporación do camiño da Revolta, en Chancelas
Por Redacción
O rueiro de Poio contará en breve cun novo vial: o Camiño da Revolta.
A Comisión Informativa de Urbanismo aprobará este martes a proposta da nova denominación para este camiño, que actualmente está integrado no Camiño Urxeira.
O novo vial sairá da intersección entre o camiño Urxeira e o camiño da Fonte, e transcorrerá en dirección sudoeste. Este cambio deberá ser referendado en Pleno, polo que se levará á sesión ordinaria de outubro e posteriormente comunicarase a institucións, organismos e empresas de servizos públicos así como ao Instituto Nacional de Estatística.
Segundo explicou a concelleira de Urbanismo e responsable da proposta, Rocío Cochón, a medida faise necesaria a consecuencia do desenvolvemento da zona, con varios proxectos residenciais en marcha ou programados "precísase unha nova rúa con nome, numeración e entidade propia porque Poio crece".
Para a edil, o cambio demostra "o atractivo do noso concello en xeral e de Combarro e Chancelas en particular para investir e para vivir".
O cambio ademais beneficiará aos veciños, actuais e futuros, ao mellorar a claridade dos enderezos de cara a "cousas tan básicas como recibir visitas ou envíos postais".
Así, en canto o cambio sexa efectivo instalaranse placas coa nova denominación e facilitaranse todos os trámites para os residentes.
O nome do novo camiño supón ademais a recuperación do microtopónimo tradicional polo que se coñece a ubicación, tal como confirmaron distintos veciños da zona.
Relacionadas:
-
A reparación do firme e bacheo das pistas municipais de Poio comeza en San Martiño
Por Redacción |
-
Activan un plan especial de aparcamento en Combarro pola ponte festiva
Por Redacción |
-
A Ruta dos Muíños de Samieira e a senda do Laño, candidatos ao distintivo de sendeiro azul
Por Redacción |
-
Os socialistas de Poio reclaman ao Concello que complete a actuación prevista na Puntada e Saíñas
Por Oskar Viéitez | Creada e actualizada
-
A prevención das violencias machistas na adolescencia, principal eixo da campaña do Concello de Poio para o 25N
Por Oskar Viéitez |
-
Poio propón un Entroido renovado co desfile en Campelo e unha gran festa na Seca
Por Redacción |