Outubro a 30 graos nas Rías Baixas
Por Redacción
As previsións de MeteoGalicia agardan para este venres 6 de outubro temperaturas máximas de ata 31 graos nas Rías Baixas. A cifra, anormalmente alta para esta época do ano, confirma unha tendencia dos últimos días nos que Pontevedra entrou no mes de outubro con ata 33 graos e xornadas de sol e praia.
Na recta final da semana, agárdase unha alternancia de ceos con nubes e claros con momentos pouco anubrados ou despexados, con temperaturas máximas que serán para este mércores de 28 graos, para o xoves chegarán aos 27 e o venres deixará eses valores de máis de 30.
As temperaturas serán altas para as mínimas e moi altas para as máximas respeto ó agardado para este período, con mínimas que se manterán sen cambios e as máximas con ese ascenso moderado a medida que avanza a semana.
Durante as xornadas deste mércores 4 e o xoves 5, haberá néboas nocturnas.
De cara á fin de semana, Galicia mantense na influencia do anticiclón, polo que a probabilidade de chuvia será moi baixa.
As temperaturas continuarán sen cambios significativos mantendo valores altos para a época do ano.
Relacionadas:
-
Mantense a prealerta por escaseza de auga no Lérez
Por Redacción |
-
As Rías Baixas recuperarán o anticiclón a partir do mércores con temperaturas de 27 graos
Por Redacción |
-
A ola de calor golpea forte ás Rías Baixas e deixa máximas nocturnas superiores aos 30 graos
Por Natalia Puga & Mónica Patxot |
-
Onda de calor: as temperaturas alcanzarán os 37 graos nas Rías Baixas no inicio da semana
Por Redacción |