Catro cursos de inglés, a nova oferta formativa da UNED en Pontevedra
Por Redacción
Tres profesoras procedentes do Reino Unido, Estados Unidos e Suecia que teñen como lingua materna o inglés impartirán os catro cursos deste idioma que se celebrarán no centro asociado da UNED en Pontevedra.
Esta aposta da universidade a distancia pola aprendizaxe dun idioma estranxeiro únese ás iniciativas formativas que ten en marcha para o coñecemento e estudo do xaponés, chinés, ruso, francés, portugués ou alemán, ata un total de dezaseis idiomas.
Os obxectivos fixados pola UNED para estes catro cursos pasan pola adquisición das estruturas gramaticais intermedias da lingua inglesa así como o vocabulario habitual de uso cotián.
Para iso dividiranse cada unha das sesións en dúas partes: a primeira estará centrada na exposición teórica dos contidos correspondentes e a comprobación da súa correcta asimilación a través de exercicios prácticos.
Complementariamente, a segunda metade de cada clase destinarase á fixación dos coñecementos adquiridos a través da práctica oral dos mesmos.
As clases serán impartidas en liña, en directo ou en diferido, sen necesidade de asistir presencialmente ao centro e o custo da matrícula para o alumnado por cada un deles será de 60 euros. Unha vez finalizados con éxito, o alumno dispoñerá de 1,5 créditos ECTS.
As relatoras destes catro cursos son Bethan Hall, nacida no Reino Unido; Carolina Heraz, natural de México e criada nos Estados Unidos; e Sofia Lantto, nacida en Suecia e criada nese país, en Australia e Gran Bretaña.
Relacionadas:
-
Profesionais xurídicos e empresariais achegaranse á Intelixencia Artificial nun curso da UNED
Por Redacción |
-
Un relatorio na UNED centrará a súa atención no glaucoma, a coñecida como "cegueira silenciosa"
Por Anxo Lourido |
-
Aberta a matrícula do curso de mediación civil, familiar e comunitaria na UNED
Por Redacción |
-
Un curso da UNED formará contra o acoso a profesionais de centros deportivos e de lecer
Por Redacción |
-
Tres escolas de Senegal recibirán material escolar do CEIP Vidal Portela e da UNED
Por Redacción |
-
Sesión de bailoterapia na praza da Peregrina de man da UNED
Por Oskar Viéitez |