As enfermeiras protestan diante do Hospital Provincial en demanda de melloras laborais
Por Oskar Viéitez & Mónica Patxot
Este martes tivo lugar un acto de protesta na entrada principal do Hospital Provincial de Pontevedra contra a deterioración das condicións de traballo do persoal dos hospitais públicos, segundo explicou Manoli Martínez, presidenta da comisión de Atención Hospitalaria.
Tratouse dunha concentración das comisións de centro dos hospitais Montecelo e Provincial e do movemento "A por todas" (APT) formado por enfermeiras das distintas áreas de Galicia una plataforma de recente creación xorde como resultado dun "maltrato mantido durante anos" hacia a súa profesión.
Os representantes dos traballadores subliñaron a "necesidade" de tomar unha serie de "medidas urxentes para dignificar a profesión" como son: a mellora das ratios enfermeira-doente; a mellora da contratación, a estabilidade e a transparencia; a recuperación do 100 % da paga extra; a recuperación "dos 3 LDs arrebatados"; o recoñecemento do solape de xornada; a retribución do plus de festivo os sábados; a retribución "xusta e igualitaria" das horas fóra de xornada ordinaria.
Tamén reclamaron o encadre da carreira profesional, incluíndo a experiencia laboral da Unión Europea; a exención de noites voluntarias a partir dos 55 anos, sen perda retributiva nin aumento da xornada ordinaria ou a xubilación anticipada aos 60 anos.
Afirmaron que a precariedade laboral existente obriga aos profesionais a buscar fóra da nosa comunidade mellores condicións laborais.
"Después de la pandemia somos los grandes olvidados", asegurou Manoli Martínez, "teníamos unos derechos y los hemos perdido".
A presidenta da comisión de Atención Primaria, Encina Chayán, engadiu que na área sanitaria de Pontevedra "siguen haciendo falta muchos contratos estables y mucha continuidad" aunque recoñeceron á nova xerencia o seu esforzo polo diálogo.
Relacionadas:
-
Sanitarios por un traballo digno: "En oito anos tiven 480 contratos e hai xente que ten mil"
Por María José Pita & Mónica Patxot |
-
A Xerencia da área sanitaria nega con rotundidade a alerta da CIG de "intentos de privatización" dalgúns servizos en Montecelo
Por Oskar Viéitez |
-
"Enfermeiras, a por todas" convoca unha protesta diante do Hospital Provincial
Por Redacción |