A Festa da Ameixa de Campelo homenaxeará 19 mariscadoras e á ex-conselleira Rosa Quintana
Por Redacción
Un total de 19 mariscadoras ademais da ex-conselleira de Mar, Rosa Quintana, serán homenaxeadas na próxima edición da Festa da Ameixa, que se celebrará en Campelo entre o 15 e o 17 de setembro
O acto de entrega das Ameixas de Prata terá lugar a primeira xornada, o venres día 15, para recoñecer o esforzo das mariscadoras das tres confrarías de Poio que se xubilaron ao longo do último ano.
Trátase de "render homenaxe a todas esas persoas que dedicaron a súa vida ao mar, a todas esas mariscadoras e mariscadores que co seu labor tamén contribuíron á preservación dos espazos naturais nos que faenaron", explica o alcalde de Poio, Ángel Moldes.
En canto á que foi representante do goberno autonómico durante 14 anos "Poio é mar, e sempre atopamos en Rosa a unha aliada en defender a nosa costa, ao sector e aos nosos traballadores", asegura o rexedor.
A Festa da Ameixa combinará un ano máis a gastronomía cunha oferta lúdica e musical que, segundo o Concello, darase a coñecer nos próximos días.
Relacionadas:
-
Chega a Festa da Ameixa, un escaparate do produto da ría de Pontevedra e do traballo da xente do mar
Por Redacción |
-
Campelo enxalzará as súas ameixas esta fin de semana
Por Oskar Viéitez |
-
O BNG de Poio critica o Concello por usar a Festa da Ameixa "con fins partidistas" para homenaxear a cargos do PP
Por Redacción | Creada e actualizada