Marín presume do "bo servizo" de socorrismo das praias con bandeira azul
Por Redacción
A Adeac, o organismo encargado de repartir as Bandeiras Azuis e de facer o control sobre as praias nas que ondea este distintivo, acaba de emitir un informe no que recoñece o bo estado das praias de Marín recoñecidas con esta distinción.
Segundo a información facilitada polo Concello de Marín, a Adeac parabenizou ao Concello polo "bo servizo de socorrismo" que se habilitou durante todo o verán en todos os areais.
Desde o Concello explican que o organismo realizou algunhas recomendacións ou avisos e "fóronse emendando ao longo destes meses", como por exemplo a existencia duns graffitis nas praias de Portocelo e Mogor, que foron retirados.
Tamén se mellorou a sinalización dos baños accesibles en Mogor, entre outras cuestións.
Desde o Concello mostran a súa satisfacción por ter xa este informe pechado e por demostrar que "o traballo que se realiza durante todo o ano e o verán dá os seus froitos", facendo ás súas praias "ano tras ano merecedoras dun galardón tan relevante como é a Bandeira Azul".
O Concello tamén indicou este martes que este verán notaron unha "importante afluencia de turistas" aos seus areais, tanto de Galicia como de fóra da comunidade autónoma.
Relacionadas:
-
Os socorristas de Sanxenxo deron 881 avisos por infraccións de embarcacións durante o mes de agosto
Por Oskar Viéitez |
-
A Escola Municipal de Música de Marín abre o prazo de matriculación
Por Redacción |
-
O Club de Opinión Portocelo conmemora o 80 aniversario da Escola Naval de Marín
Por Redacción |
-
Xa hai acordo para celebrar o San Migheleiro: será o 30 de setembro
Por Redacción |
-
Os novos guardiamarinas da Escola Naval Militar son recibidos no Concello de Marín
Por Oskar Viéitez |