O PSOE insta á Xunta a cubrir a baixa da médica no centro de saúde de Ponte Sampaio
Por Oskar Viéitez
O Grupo Socialista vén de presentar unha serie de iniciativas parlamentarias pola falla de médico nos centros de saúde da comarca de Pontevedra.
Aseguran que "a negativa do Sergas a cubrir as baixas" obriga a derivar os pacientes ao Centro de Saúde da Peregrina e o PAC da Parda, "provocando a súa saturación e a perda da calidade asistencia".
A deputada do PSOE Paloma Castro urxe ao Sergas a que contrate un profesional que cubra a baixa por vacacións da médica adscrita ao centro de Ponte Sampaio, así como dos concellos limítrofes, "e que está a provocar a desatención á cidadanía e a súa derivación a outros centros máis afastados e que tampouco contan con persoal suficiente".
Castro denuncia a situación sanitaria da comarca e cualifica de "intolerable" a "política de desleixo que está a levar a Xunta de Galicia", que "está a privar á cidadanía dun dereito básico como é o acceso á saúde".
Relacionadas:
-
O BNG leva ao Parlamento a situación "inadmisible" do centro de saúde de Ponte Sampaio
Por Oskar Viéitez | Creada e actualizada
-
Apoio do Concello aos veciños de Ponte Sampaio, reclamando ao Sergas médico no consultorio "durante todo o ano"
Por Diego Espiño |
-
Indignación en Ponte Sampaio por outro mes sen médico: "En agosto estamos todos sans? Ou é que somos de segunda?"
Por Natalia Puga & Mónica Patxot |