O Concello do Grove busca persoal para traballar na Festa do Marisco
Por Oskar Viéitez
O Concello do Grove busca persoal para traballar en próxima edición da Festa do Marisco que se celebra do 5 ao 15 de outubro.
No taboleiro de anuncios e na sede electrónica do Concello publicáronse as bases da convocatoria deste proceso selectivo para a contratación do persoal.
Búscanse axudantes de cociña, peóns de almacén, caixeiros, dependentes para os postos de venda, operarios de mantemento, peóns de limpeza, operarios de control accesos para servizos como a organización e distribución dos autobuses no recinto da Festa do Marisco.
Cada persoa candidata poderá solicitar a participación nunha ou varias das categorías convocadas sempre que acredite cumprir os requisitos para todas elas. Despois de recibir as solicitudes, o Concello expoñerá a lista provisional de persoas admitidas e excluídas, especificando a causa de exclusión e facilitando un prazo de corrección.
En total serán 11 días de traballo en outubro, coincidindo coa ponte do Pilar, que serven para prolongar a tempada turística no Salnés.
O Goberno local contratará nos próximos días a montaxe das carpas e a subministración de marisco ademais de presentar a programación musical.
Relacionadas:
-
O Grove xa celebra os sesenta anos da súa Festa do Marisco
Por Redacción |
-
A Garda Civil investiga tres menores por un delito de danos na Illa da Toxa
Por Oskar Viéitez |
-
O cuatripartito reclamará a sede do Consello Regulador Rías Baixas para Cambados
Por Oskar Viéitez |
-
Unións Agrarias alerta ante a posible entrada de uva foránea nas Denominacións de Orixe
Por Oskar Viéitez |
-
O primeiro vermú mariñeiro da Festa do Mar de Combarro foi "un éxito"
Por Redacción |