O Goberno local de Poio aprobará unha modificación de crédito de 89.168 euros
Por Oskar Viéitez
O novo Goberno local proporá no próximo pleno municipal aprobar unha modificación de crédito de 89.168 euros "para poder facer fronte aos intereses que o Concello de Poio ten que pagar derivados das débedas que mantén cos bancos".
Segundo explica o informe da tesourería municipal, son uns gastos que non contan con consignación orzamentaria suficiente e que non se poden demorar ata o exercicio seguinte. Por iso, con esta modificación de crédito o Goberno do alcalde Ángel Moldes quere asegurar que "o Concello de Poio cumpre coas súas obrigas".
Moldes explica que o novo Goberno está "esforzándose por dar pasos cos que cambiar esta situación", e márcase como obxectivo "controlar o gasto e intentar salvar esta situación económica do Concello".
O alcalde de Poio afirma que neste pleno van "buscar unha solución a un dos moitos problemas que deixou o anterior goberno do tripartito, que gastaron sen ningún tipo de control".
O Goberno local reitera que na actualidade, e segundo a auditoría interna feita polos propios técnicos municipais, o Concello de Poio ten unha débeda de 8 millones de euros cos diferentes bancos e coa Deputación de Pontevedra, ademais de facturas sen pagar por valor de un millón de euros.
Relacionadas:
-
Poio aproba as modificacións de crédito para saldar débedas con empresas e autónomos
Por Redacción |
-
Poio aprobará dúas modificacións de crédito para pagar a primeira remesa do millón de euros que debe o Concello
Por Oskar Viéitez |
-
O BNG de Poio critica que o alcalde Moldes "agóchase tras a débeda pública como escusa para non cumplir as súas promesas electorais"
Por Oskar Viéitez |
-
O PSOE de Poio defende que o Concello está "totalmente saneado" e acusa o alcalde de "embustes e manipulacións"
Por Redacción | Creada e actualizada
-
Poio ten unha débeda de 8 millóns con bancos e outro millón en facturas sen pagar, segundo o alcalde Ángel Moldes
Por Manu Otero |