A parroquia cotobadesa de Caroi celebrará esta fin de semana as súas festas do Neno Jesús
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O tenente de alcalde do Concello de Cerdedo- Cotobade, Fernando Vázquez, e membros da Comisión de Festas de Caroi presentaron o programa festivo que terá lugar o 11 e 12 de agosto na honra do Neno Xesús.
Así, o venres día 11 de agosto haberá churrasco e polbo servido pola Pulpería Fuchela, a partir das 21:30 horas, e a verbena amenizada pola Orquestra Capitol e Foliada de Ases.
O sábado 12 ás 13 horas terá lugar a misa solemne seguida de procesión e sesión vermú a cargo da Banda de Música de Cerdedo. Pola tarde, a partir das 19 horas os máis cativos poderán disfrutar coa “Festa do Neno” con inchables e algunha sorpresa máis.
A Comisión anuncia que o bar estará xestionado por eles directamente e servirán bebidas a prezos anticrise. Tamén estará o recinto da festa cuberto por unha carpa.
O tenente de alcalde, Fernando Vázquez, agradeceu o esforzo dos membros da Comisión de Festas polo traballo e o esforzo que fan para ofrecer á veciñanza un programa festivo amplo e variado onde se combinan actividades de ámbito relixioso con outras de carácter gastronómico e lúdico.
Relacionadas:
-
Vilanova de Tenorio, Famelga e Chamadoira están de festa
Por Redacción |
-
Almofrei, Loureiro e Pazos de Borela estarán de festa a fin de semana
Por Redacción |
-
Susana Seivane ofrece un concerto este venres na Carballeira de San Xusto
Por Redacción |
-
Cerdedo celebrará as súas festas do Divino Ecce-Homo e da Virxe das Dores do 28 ao 30 de xullo
Por Redacción |