Panorama, De Vacas, Take it Easy e Roi Casal animarán a Festa do Mexillón e do Berberecho en Vilanova de Arousa
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A partir do xoves 10 de agosto e ata o domingo 13, Vilanova de Arousa celebrará a edición 29 da Festa do Mexillón e do Berberecho.
Este evento gastronómico permite degustar estes produtos locais a través de diferentes receitas coa posibilidade de que as persoas asistentes proben mexillóns ao vapor ou en salsa ou berberechos en empanada, entre outras posibilidades culinarias.
O goberno local anunciou que o evento se establece, nesta ocasión, na Praza do Castro. O motivo é que os visitantes teñan vistas ao mar mentres gozan da comida.
A apertura da carpa será o xoves ás 13.00 horas.
As grandes actuacións previstas comezarán o venres 11 ás 23.00 horas coa orquestra Panorama no Parque do Cabo.
Ao día seguinte, sábado 12 ás 22.00 horas, chegará á Praza do Castro o concerto da agrupación De Vacas, con versións en galego de temas populares; e xa o domingo haberá dúas actuacións musicais en Xardín Umbrío: ás 13.30 horas será a quenda de Take it Easy e ás 21.30 horas subirá ao escenario Roi Casal.
Relacionadas:
-
Case 5.000 persoas quedan impresionadas coa Panorama en Vilanova
Por Anxo Lourido |
-
A Xunta pon en valor a promoción dos produtos autóctonos na Festa do Mexillón e do Berberecho de Vilanova
Por Redacción |
-
23 funcións encherán Vilagarcía de risas, maxia e circo no Festaclown
Por Anxo Lourido |
-
Un ‘punto violeta’ e reforzo policial para garantir a seguridade das festas de Vilagarcía
Por Redacción |