Unha festa infantil con inchables, escuma e animación porá o martes o broche final ao San Xoán de Poio
Por Redacción
Unha festa infantil poñerá o martes 27 de xuño o broche final ao San Xoán de Poio 2023.
O Concello de Poio decidiu ampliar a programación festiva cunha última traca pensada para os máis pequenos.
Será unha xornada que dará comezo ás 17.30 horas no recinto festivo da Seca con actividades entre as que destacan unha pista americana, inchables, unha festa da escuma e a animación de Javi Solla.
Desde o goberno local de Poio aseguran que se trata da primeira vez que se organiza unha festa infantil dentro da programación do San Xoán, polo que animan a todos os nenos e nenas a gozar da xornada.
Todas as actividades serán de balde.
Relacionadas:
-
O festival Chalaniña trae a Lourido espectáculos gratuítos para toda a familia
Por Redacción |
-
O Goberno local de Poio sinala que as festas de San Xoán foron seguras, inclusivas e un éxito de participación
Por Oskar Viéitez |
-
Operativo especial de seguridade e tráfico na Seca con motivo do San Xoán
Por Redacción |
-
Entrega de medallas, homenaxe a Nito, pregón e chupinazo por San Xoán
Por Oskar Viéitez |
-
O San Xoán de Poio silenciará durante unha hora as atraccións de feira para adaptalas ás persoas con autismo
Por Oskar Viéitez |