Operativo especial de seguridade e tráfico na Seca con motivo do San Xoán
Por Redacción
Desde este venres 23, a Policía Local de Poio establece un operativo especial de seguridade e tráfico na contorna do recinto de festas na Seca, con motivo das festas de San Xoán.
Os accesos de tráfico á zona de Reiboa serán de único sentido con acceso polo Camiño da Fábrica e saída entre a Fábrica e o Pavillón. Tamén se establece un único sentido pola 4ª Travesía Seara (na zona de Correos) e saída aos Catro Camiños cara á PO-308.
Habilitaranse estacionamentos disuasorios; con dúas novas leiras na 4ª Travesía Seara entrando por Correos, na extensión da Reiboa, outra nova na Avenida da Pinela no recinto privado da Fábrica de Pescamar; o recinto do IES Poio; leira lateral do do Cemiterio e Tanatorio. Estarán sinalizadas, segundo indica a Policía Local.
Indican tamén que se garantirá o cruzamento de persoas na PO-308 habilitando tres pasos con axentes de Policía, na Avenida da Pinela, no acceso á zona da Seca e á altura de Catro Camiños, ademais do paso de peóns á alutra de Fontenla. A intención da Policía Local é garantir que non se rexistren incidentes e por iso marca que os cruces que se realicen sexan polos lugares habilitados.
As prazas de Taxi estarán situadas no acceso ao recinto da Seca. As prazas destinadas a persoas de mobilidade reducida situaranse fronte ao Pavillón.
Na zona de cacharela que se sitúa fronte ao Paseo da Ostreira terá garantida a seguridade cun diámetro suficiente para que o públco asista ao espectáculo de Lume. Solicítase colaboración e que se garden as distancias marcadas.
Dez efectivos da Policía Local permanecerán na zona do mesmo xeito que efectivos de Protección Civil cunha motobomba, persoal da empresa MST e unha ambulancia estarán dispoñibles para evitar incidencias nesa zona.
En Raxó estará restrinxida a circulación na Avenida da Praia, na zona de Froiz, só a residencias e comerciantes, tendo que acceder ao estacionamento disuasorio pola rotonda de Rabo de Porco na PO-308.
A Policía Local vixiará o cumprimento estrito das normas de seguridade en zonas de fogueiras e as restricións estabecidas para as praias. Tamén alertan de que se establecerán puntos de control de consumo de alcol e drogas ao vehículo en distintos puntos do municipio.
No caso de que se rexistre algunha incidencia, a Policía Local ten disposición da poboación o número 689.575.495
Relacionadas:
-
O Goberno local de Poio sinala que as festas de San Xoán foron seguras, inclusivas e un éxito de participación
Por Oskar Viéitez |
-
Unha festa infantil con inchables, escuma e animación porá o martes o broche final ao San Xoán de Poio
Por Redacción |
-
Un operario municipal, trasladado ao hospital da Coruña tras sufrir queimaduras na sardiñada da Seca
Por Diego Espiño |
-
Entrega de medallas, homenaxe a Nito, pregón e chupinazo por San Xoán
Por Oskar Viéitez |
-
O San Xoán de Poio silenciará durante unha hora as atraccións de feira para adaptalas ás persoas con autismo
Por Oskar Viéitez |