Rexistrados 4.312 raios entre a tarde do luns e a mañá deste martes
Por Oskar Viéitez
Galicia rexistrou máis de 4.312 raios entre a tarde do luns e a mañá deste martes.
Segundo os datos feitos públicos por Meteogalicia, esta actividade eléctrica concentrouse no interior e norte da Comunidade Autónoma, a maior parte concentrados á primeira hora da tarde continuando, aínda que de forma menos intensa, nas seguintes horas.
Na madrugada deste martes (ata as 8,00 horas) o número de raios rexistrados foi de 82, con actividade concentrada no interior da provincia de Pontevedra.
Meteogalicia conta desde finais de 2009 cun sistema operativo de detección de descargas eléctricas que permite a monitorización de tormentas en tempo real. O sistema permite tamén estimar as posibles evolucións a moi curto prazo destes fenómenos.
A rede está composta por catro detectores de raios, un en en campus de Vigo, outro no alto do Rodicio (Ourense), Castro Ribeiras de Lea (Lugo) e en Mabegondo (A Coruña).
A información proporcionada pola rede de raios, integrada coa procedente doutros medios (satélite, radar, estacións meteorolóxicas, modelos…), xoga un papel importante na predición a curto e moi curto prazo de fenómenos meteorolóxicos severos, representando tamén unha ferramenta de particular interese para a protección civil, seguros, servizos de detección de incendios, de subministración enerxética e telecomunicacións.
Relacionadas:
-
Os bólidos tamén sucan o ceo e un fíxoo este pasado domingo en Pontevedra
Por Redacción & Cristina Saiz |
-
Unha semana que empeza con choivas e termina con temperaturas á alza
Por Redacción |
-
Os ceos continuarán cubertos de nubes ata o mércores
Por Redacción |
-
As temperaturas desta primavera foron case dous graos máis altas e houbo un 24% menos de chuvias das esperadas
Por Redacción |