A Deputación destina preto de 850.000 euros a 91 clubs deportivos que compiten a nivel estatal
Por Redacción
A Xunta de Goberno da Deputación vén de aprobar as subvencións dirixidas a clubs deportivos da provincia de Pontevedra que participan en competicións oficiais de ámbito estatal neste ano 2023 e nas que inviste preto de 850.000 euros.
Son un total de 91 os clubs deportivos beneficiados destas axudas e que están radicados en 27 concellos da provincia.
Por disciplinas deportivas, a maioría destes clubs beneficiarios son de ciclismo (13), seguidos dos de balonmán (11) e fútbol (10), fútbol sala e tenis de mesa (con 8), baloncesto (7), voleibol e atletismo (2), mentres que un total de 29 clubs enmárcanse noutros deportes como a esgrima, surf, vela, natación ou tiro con arco.
Estes recursos chegarán a todas as comarcas da provincia.
A comarca de Pontevedra recibirá 120.062 euros para 14 clubs de 3 concellos. Serán para Pontevedra con 102.520 euros para 11 clubs; para Marín 14.487 euros para dous clubs e Cuntis, 3.054 euros para 1 club.
Os fondos para O Salnés son 124.542 euros para 11 clubs de 7 concellos que se repartirán entre Vilagarcía con 47.287 euros para 3 clubs; Ribadumia con 18.000 euros para 1 club; Sanxenxo con 37.197 euros para 2 clubs; Cambados con 5.000 euros para 1 club; Meis, con 5.000 euros para 1 club; Meaño con 11.700 euros para 2 clubs; e Catoira con 358 euros para 1 club.
Por outra banda, a comarca do Morrazo foron aprobados 50.500 euros para 4 clubs de 2 concellos que chegarán a Bueu con 15.000 euros para 1 club e Cangas, con 35.500 euros para 3 clubs.