Moreira pedirá a Louro que incremente as prazas de aparcamento en Estribela
Por Redacción
O voceiro municipal do Partido Popular, Jacobo Moreira, comprometeuse este venres ante un grupo de veciños de Estribela a canalizar as súas demandas ante o concellerio de Urbanismo, Antón Louro, sobre o resultado final da reforma da praza do Marqués de Valterra.
Concretamente estes veciños trasladaron o concelleiro popular o seu malestar pola redución do número de prazas de estacionamento.
Aseguran que a reordenación da praza eliminou moitos espazos nos que se podería aparcar "sen problema" e que "non suporían ningún inconveniente para o tráfico na zona". De feito, aseguraron que moitos veciños os seguen utilizando, "aínda que agora con medo a ser multados".
Os residentes reclaman ademais a creación de prazas de aparcamento no interior deste recinto destinado esencialmente a actividades deportivas, ao igual que están habilitadas na parte correspondente ao Concello de Marín, así como a instalación dunha varanda ou algún elemento que separe as pistas de xogos desta zona de estacionamento para que non haxa perigo para os rapaces que xogan neste lugar.
Así mesmo, piden o acondicionamento da beirarrúa que rodea as pistas de fútbol e baloncesto que se atopa en mal estado.