O Concello confía en que o novo contrato do lixo entre en vigor a finais deste ano
Por Alejandro Espiño
En quince días. Esa é a estimación que fan no goberno municipal sobre a data na que volverá a saír a licitación o novo contrato de xestión do servizo de residuos municipais. Toda a tramitación tivo que dar un paso atrás por cuestións legais.
O expediente tivo que modificarse para adaptalo ás resolucións do tribunal administrativo de contratación pública de Galicia (Tacgal), que ordenou excluír do contrato a recollida, xestión e tratamento dos residuos téxtiles, que serán obxecto dunha concesión diferenciada.
Tras a licitación, haberá un prazo dun mes de exposición pública, polo que a presentación de ofertas remataría a finais de maio ou principios do mes de xuño, subliña o edil responsable en materia de residuos, Raimundo González.
Así, González confía en que logo de moitos meses de tramitación e revisión, o contrato poida estar adxudicado e iniciar o seu funcionamento neste mesmo ano.
Mentres tanto, o Concello viuse na obriga de prorrogar o actual contrato do servizo, que presta a empresa PreZero e que vencía o 9 de xuño. Ampliouse por un período máximo dun ano, pero suspenderase antes se se completa o proceso para a nova contratación.
Relacionadas:
-
Queda deserta a licitación do novo contrato do lixo e o Concello explorará "novas vías contractuais"
Por Alejandro Espiño |
-
Pontevedra reformula e volve licitar o contrato de xestión do lixo
Por Natalia Puga & Juan Manuel García Tajes |
-
O Concello volverá licitar o contrato da xestión de residuos ao estimarse o recurso dunha empresa vinculada a Cáritas
Por Oskar Viéitez |
-
Dous recursos, un presentado polo 'cártel do lixo', paraliza o contrato de xestión de residuos de Pontevedra
Por Natalia Puga |
-
O "desmesurado" IPC elevará o novo contrato do lixo a máis de 11 millóns anuais
Por Alejandro Espiño |