Domínguez cualifica de "espectáculo bochornoso" as tensións entre os socios de goberno
A mala relación que o PP aprecia entre os socios do goberno municipal está a prexudicar "gravemente" á cidadanía de Pontevedra. Así o asegurou Rafa Domínguez, que censurou o "espectáculo bochornoso" que están a ofrecer o BNG e o PSdeG-PSOE.
Domínguez sostivo que estas "tensións" no seo do executivo local fóronse "agrandando" tras o cambio no liderado no partido socialista. Lores e Iván Puentes, segundo o candidato popular, "no se soportan" e entre ambos hai "cuchilladas".
"Reman cada uno en una dirección", afirmou o líder do PP, que lamenta que "boicoteen" os seus respectivos proxectos e"antepongan sus intereses electorales a los intereses de los pontevedreses", algo que o dirixente popular considera "inadmisible".
Pero máis aló dos "detalles" que evidenciaban estas discrepancias, Rafa Domínguez censurou a "profunda deslealtad" mostrada polos socialistas, con Iván Puentes á cabeza, ao "maniobrar" con Costas ás costas do alcalde de Pontevedra.
Domínguez considera "grave" que o PSOE recibise a carta do secretario de Estado de Medio Ambiente antes que o propio alcalde "y haberla filtrado a la prensa antes de que la tuviese el alcalde es una falta de respeto a todos los pontevedreses".
Ademais, denunciou que Costas paralice todos os proxectos que pedía Pontevedra ao asumir un "programa electoral" dos socialistas e que informen desta decisión a través dunha "carta con tintes políticos".
"El PSOE lleva mucho tiempo maltratando a Pontevedra",, sentenciou o portavoz do PP, citando como exemplos a paralización do paseo a Marín, o atraso do Nó de Bombeiros ou a ausencia de avances co antigo edificio de Facenda. "Sólo venden humo", resumiu.
Ante esta situación, segundo Rafa Domínguez, a única alternativa de goberno "estable y unido" é a que ofrece o Partido Popular, ante a posibilidade dun bipartito dividido "que no se va a poner de acuerdo ni en la hora de los plenos".
Pontevedra "necesita estabilidad" nos próximos anos, subliñou Domínguez, para enfrontarse aos retos de futuro. A cidade non merece, concluíu, "que sea dirigida por dos personas que van a ir cada uno por su lado, sin pensar en Pontevedra".
LORES: "EU DEFENDO PONTEVEDRA E DOMÍNGUEZ DEFENDE AOS SEUS"
Ao fío destas declaracións, o alcalde de Pontevedra, Miguel Anxo Fernández Lores, ha apuntado que "eu defendo os intereses de Pontevedra e Domínguez defende os intereses dos seus", instándoo a que deixe de exercer de "altofalante" da Xunta de Galicia.
"Como alcalde de Pontevedra defenderei sempre os intereses dos veciños por riba de todo e fronte a todas as administracións que sexan", sostén o alcalde, que entende que iso non é o que fai o candidato do PP cando xustifica a paralización da variante de Alba.
Na zona de San Caetano, ante a negativa da Xunta a executar esta vía, "os camións seguen estampándose na ponte do tren", Lérez e Campañó "seguen sen unha conexión directa" que canalice o tráfico da zona e os peregrinos "seguen convivindo a diario con camións e coches".
Relacionadas:
-
Rafa Domínguez avanza un proxecto de compromiso cos colectivos sociais da cidade
Por Redacción |
-
Iván Puentes: "Se encubrir a Costas é conseguir 25 millóns, vou encubrilo todo o que poida"
-
Lores acusa a Costas de "sabotear" os intereses de Pontevedra: "Decidiron non facer nin deixar facer"
Por Alejandro Espiño |
-
A Costas suscítalle "dúbidas" o vial proxectado en Mollavao e cuestiona a súa viabilidade
Por Alejandro Espiño |