O TSXG confirma a pena de dez anos de cárcere imposta a un home por abusar sexualmente da parella do seu fillo, cunha discapacidade do 65%
Por Redacción
A Sala do Civil e Penal do Tribunal Superior de Xustiza de Galicia (TSXG) confirmou a pena de dez anos de cárcere imposto pola Audiencia Provincial de Pontevedra a un home que abusou da parella sentimental do seu fillo, a cal ten recoñecido un 65 % de grao de discapacidade.
Na sentenza os maxistrados do TSXG destacan que os feitos declarados probados no fallo de primeira instancia "susténtanse na declaración da vítima e corrobóranse polo declarado pola psicóloga, médicos forenses e psicólogas do Imelga, en canto a credibilidade, en canto a datas e situacións e en canto a consecuencias".
Desta forma subliñan que o acusado “prevalecéndose da súa situación de superioridade sobre a vítima, mantivo con ela relacións sexuais no modo e datas que se declaran probados".
De feito, segundo explicouse no xuízo en primeira instancia celebrado a finais do ano 2022 na Audiencia de Pontevedra, os feitos ocorreron durante anos, entre outubro do 2015 ata abril de 2019, sendo unha visita ao xinecólogo na que á vítima se lle detectou unha enfermidade de transmisión sexual (ETS) a que sacou á luz os abusos.
Relacionadas:
-
Acepta unha condena de dous anos de prisión por agredir sexualmente un menor
Por Oskar Viéitez |
-
Condenado un home que abusou da parella do seu fillo, cunha discapacidade do 65%, e transmitiulle unha ETS
Por Natalia Puga |
-
A Fiscalía pide 25 anos de cárcere para un home acusado de abusar sexualmente dunha moza con discapacidade intelectual
Por Oskar Viéitez |