Licitada a ampliación da depuradora de Paxariñas e do emisario submarino de Montalvo por 26 millóns de euros
Por Redacción
Este martes 18 asinábase a addenda ao convenio vixente para desenvolver a actuación de ampliar a depuradora de Paxariñas en Sanxenxo e do emisario submarino de Montalvo. María Rosa Cobo, directora da sociedade mercantil estatal Augas das Concas de España (ACUES), do Ministerio de Transición Ecolóxica, asinaba o documento con Luciano Sobral e Telmo Martín, alcaldes de Poio e Sanxenxo.
O importe total para acometer as obras ascende a 26,6 millóns de euros, incluíndo o saneamento de Raxó e os sistemas de depuración de Sanxenxo con ampliación do sistema de colectores e de bombeos.
Os prazos de execución das obras da EDAR elévanse a 31 meses, entre os que se inclúen os seis meses destinados á posta en marcha. No caso do emisario submarino, o prazo para acometer os traballos é dun ano.
A Lei de Orzamentos Xerais do Estado do ano 2018 considerou esta intervención como de interese xeral coa intención de resolver os problemas de funcionamento e de capacidade da actual depuradora. O obxectivo final é mellorar o saneamento da ría pontevedresa, segundo indican desde o Goberno estatal.
A ampliación da EDAR contará coa incorporación dun novo pretratamiento con catro liñas de tamizado e desarenado - desengraxado. Ademais, ofrecerá un tratamento biolóxico e decantación secundario cun sistema de desinfección da auga tratada mediante ultravioleta. Por último establécese unha nova liña de tratamento de lodos a través de espesamiento e deshidratación.
Está prevista a construción de novas estacións de bombeo e impulsión en Raxó (Poio) e Areas. Tamén se reformarán as estacións de Sanxenxo e Espiñeiro, coa ampliación de tramos da rede de colectores e impulsores que permitirán conectar estes bombeos coa nova estación depuradora.
Tamén se contempla a creación do novo emisario submarino en Montalvo, con 1.300 metros de lonxitude e 630 milímetros de diámetro, para cambiar o actual. Remodelarase o colector da Avenida de Madrid, situado no municipio de Sanxenxo, e á adecuación da estación de bombeo e impulsión de Laño, en Poio.
Segundo o Goberno, a obra está previsto que se cofinancie polo Fondo Europeo do Desenvolvemento Rexional FEDER, dentro do programa POPE.
Relacionadas:
-
Iniciada a provisión de material para o emisario de Montalvo
Por Redacción |
-
Acuaes comeza as obras de ampliación da depuradora de Paxariñas
Por Oskar Viéitez |
-
Adxudicada por 23,2 millóns de euros a ampliación da depuradora para Sanxenxo e Poio e o emisario submarino
Por Redacción |
-
Poio aproba a addenda para poñer máis cartos no convenio da depuradora de Paxariñas
Por Oskar Viéitez |
-
O custo da ampliación da EDAR de Paxariñas crecerá ata os 26 millóns
Por Redacción |
-
Primeira reunión da comisión de seguimento das obras de depuración e saneamento en Sanxenxo e Poio
Por Redacción |
-
Acuaes autoriza a firma do convenio valorado en 19,3 millóns para solucionar o saneamento de Poio e Sanxenxo
Por Redacción |