O socialistas de Vilaboa presentan a candidatura liderada por César Poza
Por Oskar Viéitez
A asamblea socialista de Vilaboa ratificou a candidatura elaborada por César Poza de cara ás eleccións do 28 de maio, un equipo no que o candidato renova parte dos integrantes.
César Poza confía en María Canosa e en Carmen Gallego para o segundo e terceiro posto da súa candidatura e inclúe a Mary Carmen González no cuarto posto. No primeiro tramo da lista está o exalcalde Francisco Costa (Kiko) e pechando a candidatura o tamén exalcalde Luis Poceiro.
César Poza agradeceu aos que non repiten en postos de saída o seu traballo estes catro anos, cunha mención especial a Dolores Cerqueiro, concelleira de Sanidade nos últimos 8 anos; e a José Manuel Piñeiro e Brais Sánchez, polos seus catro anos como concelleiros de Urbanismo e Deportes respectivamente.
A candidatura do Partido Socialista recolle a representación de todas as parroquias e barrios en postos de saída. César Posa destacou que é un equipo formado por "personas honestas" e "preparado para seguir gobernando Vilaboa", que espera conseguir o respaldo da veciñanza "para poder facelo con mais forza, libre de ataduras".
A candidatura está composta por César Poza González (1), María Canosa Otero (2), Carmen Gallego Calvar (3), Mary Carmen González Pérez (4), Angel González Piñeiro (5), Luis Amoedo Otero (6), Francisco Costa Fernández (7), Iolanda Mayan Pazos (8), Pastor Ribeiro Agulla (9), Montserrat Rosendo Galán (10), Diego Ferreira Guerra (11), Elena Narciso Seoane (12), José Luis Poceiro Martínez (13).
Como suplentes: Cristina Meira Ríos (14), Ricardo Acuña (15), Teresa López Patricio (16), José Manuel Piñeiro Crespo (17), Rosa Baltasar Rosendo (18), Brais Sánchez Novelle (19), Susana González (20), José Luis Madrazo Viadero (21) e Dolores Cerqueiro Peón (22).
Relacionadas:
-
O PP presenta o equipo "co que tratará de alcanzar o goberno de Vilaboa"
Por Oskar Viéitez |
-
Teresa Carro (BNG) presenta o equipo co que quere "construír unha Vilaboa de futuro"
Por Oskar Viéitez |
-
O PP pide que se reparen os viais municipais de Vilaboa
Por Redacción |
-
Alberto Acuña, candidato do Partido Popular á alcaldía da Vilaboa
Por Redacción |