A Xunta concede axudas para a mellora dos parques empresariais da Lama, Campo Lameiro, Sanxenxo, Meaño e Cambados
Por Oskar Viéitez
A Xunta de Galicia informa da resolución das axudas para a mellora de parques empresariais da Lama, Campo Lameiro, Sanxenxo, Meaño e Cambados, todos eles Concellos Emprendedores. Son cinco proxectos nos que se investirán 460.000 euros.
As axudas eran de ata un máximo de 120.000 euros por proxecto e podían presentarse dúas solicitudes por concello.
A mellora de infraestruturas viarias foi a actuación máis demandada. Os beneficiarios poderán acceder a anticipos do 25%.
O polígono de Racelo, no concello da Lama, recibe 41.621 euros para a mellora de infraestruturas viarias interiores.
O polígono de Sete Pías-Oubiña, en Cambados, obtén unha achega de 86.594 euros para dotación de infraestruturas.
En Campo Lameiro, o polígono da Facha, ten unha axuda de 41.257 euros para o almacenamento de residuos.
En Meaño, o polígono da Pedreira, recibe 42.909 euros destinados á ampliación da rede de saneamento.
E o parque empresarial de Nantes, en Sanxenxo, consigue 120.000 euros para a instalación de luminarias led.
Esta liña complementa as medidas que fomenta a Lei de implantación empresarial na que os Concellos Emprendedores teñen un papel fundamental á hora de colaborar co Goberno galego para achegar ás empresas beneficios fiscais, acceso ao solo e facilidades administrativas a cambio de contar con prioridade en ordes de axudas como estas.
Relacionadas:
-
68 parcelas das 259 dispoñibles xa están ocupadas no Parque Empresarial de Nantes
Por Redacción |
-
Zona Franca ofrece un estudio técnico para impulsar a creación do polígono empresarial de Fragamoreira
Por Redacción |
-
O novo Parque de Maquinaria avanza no polígono de Barro mentres o vello desaparece
Por Oskar Viéitez |