Ingresa en prisión o presunto autor do crime da súa parella en Marín, acusado de homicidio
Por Redacción
O Xulgado de Garda de Marín decretou o ingreso en prisión comunicada e sen fianza para o veciño da vila que foi detido nas últimas horas como presunto autor da morte da súa parella. Impútaselle como responsable dun delito de homicidio e, segundo informou o fiscal a saída da toma de declaración, doutros delitos que aínda están por determinar.
O fiscal reclamou a prisión sen fianza para evitar o risco de fuga, mentres que a defensa do detido rexeitaba esta posibilidade. Segundo indicaba o representante da Fiscalía, existen indicios dunha posible agresión sexual.
Durante a declaración, o marinense recoñeceu que estivera coa vítima e que, entre eles, se desatou unha forte discusión que finalizou con empuxóns. Non obstante, o detido na súa comparecencia nos Xulgados negou que lle tería causado a morte a Isabel Pérez Fraga o pasado xoves 26, a pesar de recoñecer a autoría dos feitos durante a súa declaración, horas antes, na Comisaría de Policía.
Segundo fontes da investigación, a morte da veciña da rúa Alcalde José del Río produciuse durante a mesma mañá do xoves. A vítima presentaba síntomas de asfixia e numerosas contusións en todo o corpo, ademais dun golpe na cabeza. Non obstante, esas mesmas fontes descartan que os golpes se tivesen producido cun obxecto contundente.
O detido pasaba a disposición xudicial este domingo ás 11.00 horas e mantívose dentro do edificio xudicial de Marín ata as 14.00 horas. Tanto á entrada coma á saída do Xulgado, o home de 39 anos de idade intentaba cubrirse o rostro ante a presenza da prensa e dalgúns veciños.
Segundo datos facilitados pola Policía Nacional, o home levaba mantendo unha relación sentimental coa vítima dende hai catro meses e estivera en prisión por un delito de agresión sexual e ameazas cunha anterior parella. Tras a súa saída do cárcere, tamén fora detido por un delito de violencia doméstica por agresións a dous dos seus familiares.
O subdelegado do Goberno, Antonio Coello, asistirá á concentración que está prevista para este luns 30 ás 12.00 horas ante o Concello de Marín como acto de repulsa contra a violencia de xénero.
Relacionadas:
-
"Si realmente es culpable, que le caiga la máxima pena posible"
Por Natalia Puga & Mónica Patxot |
-
Admite que matou e violou a súa moza en Marín, pero alega que o fixo bébedo
Por Natalia Puga & Mónica Patxot |
-
Un xurado popular xulgará este mes ao suposto asasino e violador de Isabel Pérez
Por Oskar Viéitez |
-
O Día contra a Violencia de Xénero tendrá en Marín un recordo especial para Isabel Pérez e Mónica Lorenzo
Por Redacción |
-
Concentración en Marín en repulsa polo último crime de violencia machista
Por Redacción |
-
O home detido polo crime da muller de Marín tiña antecedentes por violencia de xénero
Por Redacción |
-
Deteñen un home relacionado co caso da morte da veciña de Marín
Por Redacción | Creada e actualizada
-
Investigan a morte violenta dunha muller en Marín
Por Redacción | Creada e actualizada