O Partido Popular de Pontevedra confirma a María Ramallo como candidata á alcaldía de Marín
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/112/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/63f4c8f550-marin-ramallo.jpg)
© Partido Popular
O Partido Popular de Pontevedra analizou nas últimas horas a proposta do comité electoral de Marín para que María Ramallo sexa a candidata do PP nas próximas eleccións municipais. O órgano provincial referendou esta opción e Ramallo aspirará a revalidar a alcaldía no municipio.
Luís López, presidente provincial do PP, sinala que "non hai unha mellor candidata para Marín que María Ramallo, e temos a sorte de que encabeza a proposta do Partido Popular".
Encomiou o coñecemento, xestión, implicación, carisma e empatía veciñal da actual alcaldesa engadindo que é unha "política de altura, con clara vocación municipalista e que aposta ao cento por cento por Marín".
María Ramallo agradeceu o apoio do comité electoral do PP local e dos órganos provinciais do partido.
Asegura que acepta este reto "ilusionada" e destacou o "gran traballo" que se fixo en momentos moi complicados durante estes últimos anos. A candidata explica que o seu equipo combina persoas con moita experiencia con novas incorporacións "que nos permiten ampliar máis nosa visión e o noso campo de actuación".
Por último, Ramallo expón unha campaña "limpa, sen confrontacións, en positivo, construtiva, poñendo en valor o noso traballo e explicando proxectos de futuro", apuntou sinalando que Marín enfróntase a grandes retos nos próximos anos.
Relacionadas:
-
David Carrera, candidato do Partido Popular á alcaldía da Lama
Por Redacción |
-
María Ramallo, sobre ENCE: "Para Marín por supuesto y para su puerto, hoy tenemos una buena noticia"
Por Oskar Viéitez |
-
Ramallo agarda un incremento orzamentario ante o uso necesario de micropilotes na construción do Auditorio
Por Mónica Patxot & Anxo Lourido |