![](/web/cache/scene/uploads/fotos/foto/854/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/63ea7ed55d-00000-66.-sde-formadora-r.calvino-ganadora-claudia-casal-profesora-ies-y-d.g..jpg)
© Agencia Tributaria
Dúas alumnas do IES Sánchez Cantón reciben o primeiro premio do concurso nacional de educación cívico-tributaria
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/75e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63ea7df8e1-56.-sde-formadora-r.calvino-prof-ies-ganadora-violeta-fortes-y-dg....jpg)
© Axencia Tributaria
![](/web/cache/scene/uploads/fotos/foto/a13/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63ea7e8454-11.-sde-profesora-formadora-pect-finalista-jimena-quinteiro-y-d.g..jpg)
© Axencia Tributaria
As alumnas Claudia Casal Campelo e Violeta Fortes Villaverde, do IES Sánchez Cantón de Pontevedra, resultaron vencedoras en dous apartados do concurso nacional de Educación Cívico-Tributaria, que promove a Axencia Tributaria.
A peza publicitaria presentada por Claudia Casal lograba vencer na categoría audiovisual, mentres que Violeta Fortes obtiña o primeiro premio de redacción. Ambas conseguían así un computador, un libro e un diploma acreditativo. O instituto tamén recibía dous computadores, un por cada gañadora do concurso.
O programa desenvolveuse no curso 2021-22 na materia de Economía. As dúas mozas recibiron, co resto de estudantes desta especialidade, unha charla de Rebeca Calviño, técnica da Axencia Tributaria, sobre impostos e sobre a importancia de que a cidadanía asuma as súas responsabilidades tributarias.
Rosa Domínguez, profesora de Economía, animoulles a participar no concurso para traballar diferentes disciplinas e fomentar a creatividade ao mesmo tempo que adquirían coñecementos sobre o desenvolvemento da realidade socio-económica e o funcionamento das institucións.
Tras ser seleccionadas no marco provincial, viaxaron a Madrid acompañadas polo delegado provincial da Axencia Tributaria en Pontevedra. Alí, Jesús Gascón, secretario do Estado, entregaba os premios e mencionaba no discurso a cada unha das cidades das que procedían os tres gañadores e seis finalistas, destacando o éxito e a notable representación da cidade de Pontevedra, xa que Jimena Quinteiro, unha alumna do Sagrado Corazón, quedou finalista no apartado de redacción.