A reforma do parque de Pasarón renderá tributo ao Pontevedra CF
Por Redacción
O concelleiro de Desenvolvemento Sostible e Medio Natural, Iván Puentes, ven de presentar o proxecto para a remodelación integral do parque de Pasarón que renderá tributo ao Pontevedra CF e que, agarda, se poida poñer en marcha durante o mes de marzo.
Suporá un investimento duns 400.000 euros e permitirá duplicar a superficie destinada a xogos infantís, substituír o estanque actual por un xardín de choiva, construír unha pista multideporte e crear unha nova zona de paseo para cans.
O proxecto, redactado pola firma Acroa, foi deseñado mediante un proceso de participación cidadá e formula a dotación dunha zona de xogos infantís que ocupará unha área de 425 metros cadrados pechada en todo o seu perímetro, un espazo para cans de 240 metros cadrados, unha zona deportiva tipo calistenia, un pequeno anfiteatro e unha cancha de 'street fútbol' de 13 x 8 metros (con piso rematado en céspede artificial), así como a incorporación de sistemas naturais de drenaxe e xestión da auga.
Iván Puentes precisou que se conservarán e reubicarán as árbores existentes no contorno do estanque e tamén haberá novas plantacións.
Ademáis, colocaranse dez bancos e tres mesas de tipo picnic, así como un banco voadizo duns 18 metros de lonxitude no muro do parque infantil, e dotarase o espazo con tres papeleiras, tres fontes e seis aparcabicicletas.
ESCULTURA DO PONTEVEDRA CF
O anexo de melloras do proxecto de remodelación integral do parque da rúa Luís Otero propón a "creación dunha pequena escultura en material metálico, pedra ou sintético, relativa a algunha figura ou personalidade destacada na historia do Pontevedra CF".
Relacionadas:
-
A Praza das Regas terá un nova zona de xogos, unha cancha multideporte, un parque canino e microbosques
Por Redacción |
-
O mítico 'Cholo' terá unha escultura no parque de Pasarón por decisión popular
Por Oskar Viéitez |
-
Unha enquisa cidadá para elixir que lenda granate terá unha estatua no parque de Pasarón
Por Redacción |
-
Luz verde á sinatura do maior contrato de Parques e Xardíns da historia de Pontevedra
Por Oskar Viéitez |
-
VÍDEO.- Gravan un grupo de ratas nadando no estanque do Parque de Pasarón
Por Redacción | Creada e actualizada
-
O parque de Pasarón terá canchas polideportivas, unha zona de calistenia e área para cans
Por Redacción |
-
Vencellar a reforma do parque de Pasarón á historia do Pontevedra C.F., unha das 100 aportacións veciñais a este proxecto
Por Redacción |