Unha boa causa ben vale un baño frío
Por Redacción
Por segundo ano consecutivo, a praia de Silgar acolleu un acto solidario nestas datas véspera de Reis. Trátase do 'Chapuzón por una ilusión', unha iniciativa que pon en marcha a Fundación Aladina coa colaboración do Concello de Sanxenxo.
Desde as 16.30 horas, numerosas persoas achegáronse ata o areal para participar nesta acción co obxectivo de recadar fondos para os pacientes de cancro infantil da Fundación Aladina.
As persoas participantes ofrecen un donativo mínimo de cinco euros que lles permite entrar nun sorteo con diferentes premios como estancias en hoteis, spas, roscas de Reyes ou ceas para dúas persoas.
A pesar das temperaturas, os máis atrevidos decidiron darse un baño vestidos coas súas roupas máis divertidas con intención de animar unha cita que se consolidou na programación festiva de Sanxenxo durante o Nadal.
Ao longo da tarde servíase tamén unha chocolatada para que aquelas persoas que se atreveron a mollarse recuperasen a temperatura corporal.
Relacionadas:
-
Un mergullo solidario co cancro infantil pon o broche de ouro a 2023 en Sanxenxo
Por Redacción |
-
Poñen en marcha novos "Roteiros Saudables" en Pontevedra para combater o sedentarismo
Por Redacción |
-
A Boa Vila recibe como reis ás súas Maxestades Baltasar, Gaspar e Melchor
Por Mónica Patxot & Oskar Viéitez |
-
Un Tren Mago percorrerá as parroquias de Sanxenxo quentando motores para a tradicional cabalgata
Por Redacción |