Será un ano con grandes pontes festivas
Por Oskar Viéitez
O calendario laboral de 2023 reflicte que este será un ano con varias fins de semana longas pois algunhas festas coinciden en luns ou venres.
O primeiro é xa este 6 de xaneiro, que é venres. O seguinte será o de Semana Santa, o Xoves e o Venres Santo chegan o 6 e 7 de abril. Ademais, o 1 de maio (Festa do Traballo) cae en luns e o 25 de decembro, celebrarase tamén en luns.
Pero a macroponte será a da Constitución, xa que o 6 de decembro será mércores pero logo chega o festivo da Inmaculada, o 8 de decembro, que será venres. Todo sumado permitirá a moitos traballadores tomarse libre o xoves 7 e gozar dunha ponte de cinco días.
Outros festivos marcados no calendario son a celebración da Asunción da Virxe (15 de agosto) que cae en martes, a festa do Día da Hispanidade (12 de outubro) en xoves e o mércores 1 de novembro (Todos os Santos).
O calendario laboral contempla un total de 9 días festivos nacionais, a eles súmanse os dous festivos de carácter autonómico, que en 2023 serán o 17 de maio, Día das Letras Galegas, e o 25 de xullo, Día de Galicia. E hai outros dous fixados polos concellos, no caso de Pontevedra son o 22 de febreiro Mércores de Cinza e o martes 11 de xullo, San Benitiño.
Relacionadas:
-
Bruno, un veciño de Marcón, segundo bebé galego do 2023
Por Mónica Patxot & Oskar Viéitez |
-
Xa se poden recoller os calendarios de 2023 con fotografías de Janite do patrimonio e as paisaxes de Caldas
Por Redacción |
-
Doce estampas de Ponte Caldelas ilustran o calendario municipal para 2023
Por Redacción |
-
A casa consistorial, protagonista do calendario municipal para 2023
Por Redacción |